唔知有無人仲記得「金鷹」呢？呢隻馬騮可以講係香港人嘅回憶..佢嘅主人叫「陳伯」..「金鷹」係97年出世..亦係「陳伯」嘅第3隻馬騮…而且一出世就由「陳伯」照顧..「金鷹」大個咗之後..就陪住「陳伯」係九龍城一帶表演同賣佢自家制嘅藥…所以好受街坊嘅歡迎..當時「陳伯」同「金鷹」可以講係無人唔識～

不過..漁護署係2000年5月用「沒有特區政府發出的許可證而擅自飼養動物」為理由..強制咁捉走「金鷹」…呢件事係當年社會嘅一大熱門話題…甚至仲列入埋小學嘅通識科討論嘅話題tim….

漁護署當時比人瘋狂咁鬧…再加上受到香港傳媒同市民嘅輿論壓力…所以係同年嘅7月..當時89歲嘅「陳伯」告漁護署..裁判官最後以人道理由…酌情將「金鷹」還比「陳伯」…獲得漁護署破例發牌…係香港有史以黎唯一一張馬騮嘅飼養牌照…於是「陳伯」就帶住帶政府認可嘅「金鷹」再次出現係九龍城區一帶進行街頭表演…好多市民都特登去為佢地打氣～

最後..小編想帶出依家嘅香港市民怨氣多..社會矛盾勁..希望政府係處事時..汲取下漁護署嘅教訓…特別係關於市民切身利益嘅問題…應該比多啲人情味同埋同情心..要做到合情合理合法..黎消除社會嘅怨氣～

By三色貓

話說..小編琴晚收工去咗旺角食碗雲吞麵..食食下..發覺好多老一輩嘅客人都會叫「一碗細蓉呀唔該..」…ok…雖然我知道「細蓉」即係「雲吞麵」…但點解個個都叫「細蓉..細蓉..」嘅呢？所以小編決定同大家分享一下～

60年代小檔嘅雲吞麵嬌小玲瓏..又食唔飽..所以啲人就將佢改名叫「細蓉」…當時香港人又好鐘意將炒蛋叫為芙蓉蛋..即刻抬高身價..而且將梘水麵叫做芙蓉麵…「芙蓉」指係雲吞係湯裡面嘅形狀好似一朵朵芙蓉花咁…仲有仲有…又有人話「蓉」原為「擁」..冬天時老百姓將小碗擁抱係懷裡..意思又飽肚又可以取暖..故有「細擁」之稱～

戰後黎到香港嘅雲吞麵師傅..將雲吞麵大小以「細蓉」、「中蓉」同「大蓉」區分..分別係一個、個半同兩個麵…一碗正宗嘅「細蓉」…湯、麵、雲吞餡同雲吞皮有嚴格嘅標準..就連上碗嘅擺放次序亦都好講究tim…務求做到「湯鮮麵爽雲吞靚」..慢慢咁「雲吞麵」就代表咗香港lu～

By三色貓

小編相信大家都搭過「叮叮」..不過依家嘅「叮叮」只限港島區…住九龍區嘅市民就無呢個福利啦～

其實係1904年..當時電車岩岩先上軌道…而電車公司嘅顧問工程師Alfred Dickinson就建議係九龍半島發展一個直達深圳嘅電車路線…嘩…小編無睇錯….係去深圳咁遠呀～～

可惜當時嘅殖民地完全無興趣…同埋唔想煩到滿清政府…不過..又唔知點解係1910年又興建九廣鐵路…真係好好笑…

慘慘豬嘅電車公司一路都無放棄…更加係1913年同1914年再向英國提交建議…去到1916年政府先願意睇下電車公司係九龍嘅計劃…當時電車公司提交咗3條路線嘅方案﹕

1. 尖沙咀碼頭至旺角
2. 尖沙咀碼頭至九龍城
3. 紅磡經新填地街到深水埗

政府當時勁衰..對電車公司嘅要求超多…例如：出資3,600元修建路軌..又要保證工程唔可以對道路造成損耗同阻塞…仲有政府想從中獲利tim…最後因為第一次世界大戰打得火熱…所以英國政府就決定唔興建..如果唔係…今時今日九龍區都有「叮叮」搭啦～

By三色貓

小編相信大家都有飲過啤酒..但又知唔知道香港曾經都有出過本土嘅啤酒呢？仲有仲有..香港都有啤酒廠呢？如果唔知..等小編話話你知啦啦啦～～～

位於深井的香港啤酒廠

1898年律敦治家族開始係深井買入大量嘅土地…並且創立咗香港啤酒廠…1948年生力集團再買入香港啤酒廠..「窩拿先生」擔任生力啤酒嘅廠長..至於記載「窩拿先生」嘅文獻係超級少..所有嘅事跡都係生力啤酒舊員工講返出黎～～

左邊係「窩拿先生」

「窩拿先生」係混血兒..擁有一半馬來西亞嘅血統…係生力啤酒投產初期…當時包裝嘅技術都較為落後…啤酒廠商基本上都係用同款入口嘅玻璃樽…「窩拿先生」就用低價錢去回收唔同牌子啤酒嘅玻璃樽…所以酒廠只係需要剷去牌子招紙…然黎再貼上自己品牌嘅招紙…就可以推出市場啦～～

「窩拿先生」利用「環保樽」嘅概念..當時幫酒廠大大咁減低咗生產成本…令到本土嘅生力啤酒得以係香港發展～～

By三色貓

大家知唔知道香港開埠之後..第一間銀行發行嘅紙幣係咩樣嘅呢？其實…當時唔單止無銀行..連貨幣都完全唔統一…英鎊..大清銅錢..仲有銀行自己發行嘅鈔票…硬幣同紙幣係市面流通…係1845年香港嘅第一間銀行——東藩匯理銀行（The Oriental Bank Corporation）就由印度黎到香港啦～

大家係咪覺得好奇怪呢…印度？其實..東藩匯理銀行係由英國商人同印度嘅巴斯商人合資..創辦時總部係印度孟買..只係後來先搬返去倫敦～

係香港除咗中環德己立街外…銀行嘅主要業務就係鴉片押匯..所以係廣州…上海同福州等地都開設咗分行啦～

By三色貓

傳說..維港中有一個小島…佢個名叫做「奇力島」（Kellett Island）..相信好多香港人會好陌生..但的而且確係香港曾經存在過嘅小島…島上面咩都無..亦都無居民居住～

「奇力島」嘅正確位置係銅鑼灣以北嘅海面…喺香港開埠後…成為英軍軍火庫…可惜…係1955年興建銅鑼灣避風塘嘅時候..已經有海堤從波斯富街連接到「奇力島」…係1969年因為興建香港海底隧道港島入口嘅填海工程…「奇力島」就已經完完全全咁消失咗啦～

By三色貓

「美孚新邨」係1968年落成..本身係「美孚石油公司」嘅油庫…因為油庫搬咗去青衣…所以就有一大片土地…而石油公司決定將呢大片土地發展為一個大型嘅住宅區..可以講係全球最大嘅住宅項目..係香港第一座大型嘅私人屋苑..好勁～

「美孚新邨」佢提供咗一萬三千幾個單位..而當時最平嘅單位係2萬2千蚊…不過係60年代尾嘅一個月人工大約係$100-250蚊，所以「美孚新邨」係一個有錢人住嘅地方…直到依家「美孚新邨」依然都係咁貴..但就真係好方便～

By三色貓

傳說..維港中有一個小島…佢個名叫做「奇力島」（Kellett Island）..相信好多香港人會好陌生..但的而且確係香港曾經存在過嘅小島…島上面咩都無..亦都無居民居住～

「奇力島」嘅正確位置係銅鑼灣以北嘅海面…喺香港開埠後…成為英軍軍火庫…可惜…係1955年興建銅鑼灣避風塘嘅時候..已經有海堤從波斯富街連接到「奇力島」…係1969年因為興建香港海底隧道港島入口嘅填海工程…「奇力島」就已經完完全全咁消失咗啦～

By三色貓

「美孚新邨」係1968年落成..本身係「美孚石油公司」嘅油庫…因為油庫搬咗去青衣…所以就有一大片土地…而石油公司決定將呢大片土地發展為一個大型嘅住宅區..可以講係全球最大嘅住宅項目..係香港第一座大型嘅私人屋苑..好勁～

「美孚新邨」佢提供咗一萬三千幾個單位..而當時最平嘅單位係2萬2千蚊…不過係60年代尾嘅一個月人工大約係$100-250蚊，所以「美孚新邨」係一個有錢人住嘅地方…直到依家「美孚新邨」依然都係咁貴..但就真係好方便～

By三色貓

香港人一定唔會無食過「公仔麵」啦…係50-60年代開始..香港經濟開始高速增長…香港人面對忙碌嘅工作..生活節奏變得愈黎愈急促..大家都希望以最短嘅時間黎食飽一餐…然後繼續「搵食」…

而「公仔麵」係50年代尾就開始打入香港市場..「公仔麵」提供咗一個快靚正..即煮即食..只需3分鐘就能夠整好一碗熱辣辣嘅麵..完全符合曬香港人嘅生活步伐..結果「公仔麵」嘅出現..就大受香港人嘅歡迎～

咁「公仔麵」大家都食得多啦…唔知大家有無見過呢一款「維他雞汁麵」..究竟佢係咪維他公司出嘅呢？而且呢個麵係1969年曾經賣過廣告添..老一輩嘅香港人可能會有印象呢～

By三色貓