恭喜香港各界同業鄉申，親朋戚友，達官貴人。我地又為香港呢處彈丸之地，又稱豆膶之地再創高峰而熱烈鼓掌吧。為7,482,500人家庭能夠團聚一齊開心吧。為呢七百幾萬人只講一種語言而興奮吧。為七百萬人一齊蝸縮係丁方七尺而高興吧。為七百萬人連講句粗口都普普通通而吶喊吧。
恭喜香港各界同業鄉申，親朋戚友，達官貴人。我地又為香港呢處彈丸之地，又稱豆膶之地再創高峰而熱烈鼓掌吧。香港成為全球最不快樂嘅地區排行第七而一齊開心吧。為能夠可以同個啲打緊仗嘅伊朗，伊拉克，烏克蘭並列十大而興奮吧。為連菲律賓、越南、印度、印尼都一蟹不如而吶喊吧。
香港人呀，為繼續沉溺在充滿污穢的紅海裡興奮吧，此起彼落的日子將永遠伴隨左右，恭喜曬！
by 小篇阿踎
小編知道近日傳有百幾年歷史，位於中環舊式酒樓嘅「蓮香樓」做埋呢個月就要拆遷，而「蓮香樓」係香港依家仲保留住手推點心車嘅服務，所以吸引咗唔少嘅老顧客同遊客去飲啖茶…食個飽。
今日小編決定自己一個去「蓮香樓」感受一下呢間懷舊嘅酒樓⋯從皇后大道一路行到「蓮香樓」，一去到⋯多人到呢！！！Omg…簡直係嚇親小編⋯早知就唔lunch time去啦~
小編好辛苦咁搵到位坐低啦（利申），然後自自然然就會有人行埋黎問飲咩茶⋯至於要食佢啲點心喎，好簡單..當你突然間見到有一班人衝出嘅時候，就係代表廚房出點心啦~~Yeah…小編當然唔執輸..即刻攞住點心紙，9秒9咁衝過去睇(當然相機行先)，如果唔係點比啲靚相大家睇，提提大家..千祈唔好發呆咁望住啲推點心車嘅呀嬸..想食咩點心就大聲咁直接講「我要呢個..同呢個…」，如果唔係..呀嬸彩你都傻，啲點心好快就會比人叫曬，小編心諗… 怕羞啲都叫唔到點心食！！
總知，你問小編我好無食…我只能夠答你地「食個懷舊環境係好嘅，不過啲位就真係好迫，仲有好嘈，而啲點心就見仁見智… ~~ 價錢就屬於中位價格啦」，大家要食就趁快啦，佢地做埋2月就唔做㗎啦～～
by 三色貓
https://hk.news.appledaily.com/local/daily/article/20190205/20606943
2000至2019年，政壇熱詞嘅前列排位應該都小不了「九二共識」呢四個字。而2019之後，小踎相信新「9+2共識」應該開始會佔一席位。
何謂「9+2共識」？根據最新公佈嘅《粵港澳大灣區發展規劃綱要》，國家要求9+2（即珠三角9個城市+港澳兩特區）需通力合作，互補不足，共識共贏，創建未來15年大灣區嘅繁榮基石！而香港需要在創新科技方面扮演帶領角色，做好對外投融資嘅開放平台，為一帶一路做好帶路者嘅角色。
小踎聽到呢到，已經知道未來15年，香港原來只需要做斟茶遞水嘅妹仔角色便可以了！點解咁講：
1) 係一個玩思想拑制首屈一指嘅地方講「創新」！米玩啦！
2) 係一個連電子預約系統都俾班大媽用作謀財工具嘅社會！算把啦！
3) 係一個連基本民主、自由、人權都唔尊重，動不動就出國家隊維穩嘅國度！算數啦！
當然，小踎會覺得由習皇所統領嘅鵝特部隊，以至於兩個淪陷區裡面生活嘅大部份人黎講，可能都會好自豪咁認為，只要自己將來可以成為一名高級應召，又何需介懷依家做一名低級嘅妹仔呢！
by 小篇阿踎
大灣區規劃綱要出爐
港專攻創科金「習圖破西方圍堵」
http://s.nextmedia.com/apple/a.php?i=20190219&sec_id=4104&s=0&a=20616079
叉燒包⋯誰愛吃剛出籠的叉燒包?誰愛吃剛出籠的叉燒包?還有那蓮蓉包呀，豬油包呀，魚翅包呀，豆沙包呀，應有盡有。廣東包⋯假使你說你不愛吃廣東包，還有那各式各樣上海包，讓我來告訴你有生煎饅頭大肉包，小籠饅頭菜肉包。好朋友⋯你到底愛吃那一樣?你到底愛吃那一樣?那一樣，廣東包呀，上海包呀，廣東包呀，上海包呀。廣東包⋯有的人他們愛吃廣東包，有的人他們愛吃上海包，朋友呀到底愛吃廣東包呀，上海包呀，廣東包呀，上海包呀，我最愛吃是叉燒包。
佢係歌壇嘅佳績金曲〈叉燒包〉，當年推出呢首歌曲之後，隨即大受歡迎，去到 70年代度，再由徐小鳳翻唱成為香港人心目中嘅經典金曲，而呢位女神「張仲文」係美國病逝，享壽82歲⋯
by 三色貓
http://s.nextmedia.com/realtime/a.php?i=20190218&s=7018882&a=59271635
過年，馬會好識做，開返兩個大彩池，彩金億億聲，好好聽，全城投入開掘金豬年第一桶金。利申：小踎與金無緣，輸到面癱癱，爭啲想講杏加橙！
不過咁，真金白銀，自願褲袋出，自己眼光揀，輸贏都順攤。
轉頭聽到金發局班鵝奴才，話黎緊想係我褲袋度攞多啲血汗錢出黎，俾佢地同埋班大鱷攞去買番攤賭大細。想唔俾佢攞？唔得喎，犯法喎！所以今日嘅香港唔會再唱有強姦無焗賭呢支歌啦，反而係強姦完你再搶曬你啲錢去賭。正所謂佢地就樂在其中，我地就不得善終呀，陰公！
小踎在此向貧者愈貧嘅香港人提示一句：日防夜防，家賊難防，既然難防，抗命何妨！
by 小篇阿踎
https://hk.on.cc/hk/bkn/cnt/finance/20190214/bkn-20190214151137033-0214_00842_001.html
新年伊始，小踎借位向大家拜個年，祝大家豬年一帆風順、風調雨順、孝子順孫、順風順水，總之就年頭順到年尾，順到你唔信，恭喜恭喜！
既然求順連連，就緊係執人幾句口水尾黎順應時勢啦，覺得順心順意嘅就笑多兩聲作為打賞，覺得沒趣嘅就自行轉台熄機早抖，恭喜恭喜！
【世情篇】
打疫苗去香港，生孩子去美國，買奶粉去澳洲，買電鍋去日本，買鮮風去瑞士，吃放心去台灣，晚年好去冰島，想吃苦去祖國。
【國情篇】
刑警隊，案子未破人先醉。防暴隊，朋友都在黑社會。
巡警隊，街頭巷尾看阿妹。女警隊，天天陪着局長睡。
交警隊，躲在樹下等機會。掃黃隊，趕走嫖客自己睡。
治安隊，吃喝嫖賭樣樣會。
【港情篇】
香港人人為搵錢，卑鄙無恥食硬你，
苦讀三年為厚職，學子跳樓嚇親你，
管商勾結為自己，賣股賣地啜盡你，
政府派糖為啖氣，長遠發展無人理，
物格飛升為名氣，消委會你慳啖氣，
香港扑街有天理，皆因你我都唔理，
一於同你講恭喜，年頭鬧到你年尾！
小篇阿踎
恭祝大家心想事成，萬事勝意，老當益壯，財源廣進，花樣年華，快高長大………掌聲鼓勵！
今屆DSE考生得75個人挑戰8科..小編睇完呢篇新聞之後，第一個反應就係香港嘅應屆考生壓力超級大，佢地過份擔心而訓唔到覺..從而影響埋記憶···
近年考生挑戰人數減少，入讀大學嘅比率相應提高，但係香港嘅考生或者怪獸家長成日抱住「唔可以唔入大學」嘅心態，令到佢地對自己嘅要求過份高，而且又無具體嘅成績目標，變成無止境嘅追求，有啲考生更加因為壓力而跳樓自殺⋯
小編只係想提提考生「求學唔係求分數」，唔好比依家嘅社會普遍以考生嘅成績同係咪能夠考入大學黎定義成唔成功，令到考生將個人嘅成功同DSE成績黎掛勾，亦有啲學生甚至認為要考入大學先至有好嘅出路⋯
最後小編再三提提考生唔應該視升讀大學係唯一嘅出路⋯記住呢個世界其實仲有好多地方俾你地去發揮⋯
by明太子
http://s.nextmedia.com/realtime/a.php?i=20190212&s=6996647&a=59250361
鵝特，小踎近日聽到件事，想問下你點睇法者。
話說有位美少女胸口痛疼好犀利，去醫院check, 醫生話胸口部位有啲硬塊，唔排除要作出器官切除治療，不過，仍需要做多幾個檢查先至確定點樣做法，但係，佢嘅經驗話呢啲病越快做手術越好，如果遲左可能會有好壞嘅影響。於事，美少女做曬所有可以做嘅檢查，兼排左個快期做手術。跟住，等到做手術個日啲檢查報告都未有，而啲醫生就不停咁催佢，要相信醫生嘅判段同經驗，做手術好呀，再唔做就危險架啦云云。最後，美少女按耐不住催促和恫嚇，就決定接受手術。手術之後，美少女醒返，問醫生佢係唔係患左cancer。醫生答佢，根據所有嘅檢查報告顯示，佢無cancer，只係少女成長發育嘅正常現象黎。美少女大驚，話要睇報告，醫生回答：啲報告已經唔見曬，如果要嘅，佢可以憑記憶寫返出來，甚至可以簽返當日檢驗嘅日期。美少女聽完醫生咁講，再望望自己胸口上嘅兩條罅，當堂暈死過去！
鵝特，如果呢件似幻疑真嘅事件女主角係你，你會如何面對？現正有700萬名美少男少女面對緊呢件事，你會如何處理？你手下有一班如此無良嘅庸醫廢官，你會如何對付？香港依家無罅罅多左兩條罅，你搞返掂佢！
小篇阿踎
短短40年嘅光景，大部分嘅香港人都係「電視撈飯」大嘅，可以講係「電視大過天」，從戰後..香港人係貧窮嘅環境之下努力咁拼搏，就係為求解決三餐嘅溫飽，但當生活慢慢安定咗落黎之後，小康家庭就開始追求「家居四寶」，咁咩係「家居四寶」呢？…就係有電飯煲、雪櫃、洗衣機同電視機啦
以前香港人叫電視機做「公仔箱」，係60年代「公仔箱」係一個超級奢侈品，既可娛人，亦可以係朋輩中「曬命」，當時「麗的呼聲」就係唯一嘅選擇，即使佢係黑白色、成日見到啲雪花同埋仲要交好貴嘅月費外，當時每個家庭都仲係好想擁有佢，但一部「公仔箱」嘅價錢..差唔多能夠買到一層樓，講真..真係唔咪人人都能夠負擔得起。
昔日嘅「公仔箱」裡面有無限嘅創作空間，可以講係包羅萬有，但今時今日嘅香港，電視機已經進化成超薄設計同高清，奈何內容竟然係千篇一律，一啲都無舊時嘅味道。
by 三色貓
Justice News 公正新聞 