國際盛事，全球轉播，國際田聯(IAAF)金級賽事，跑均香港、九龍、新界，74000人，加埋工作人員、觀眾、記者，十幾萬人，一齊跑，一齊跳，一齊叫，一齊每人掉一件垃圾，蔚為奇觀！
有班蠶蟲師爺諗爆頭，終於又度倒條橋欺上瞞下，騙左瞞右，揾人贊助30000隻膠杯，美其名環保再用，但仍不減沿途紙杯及塑膠製品派發量，懶理你班衛道之士如何指責，懶理你啲物料要幾耐時間分解！我地「新」香港人，最緊要好玩有卓頭，蘇州屎唔使我執手尾，步照跑，杯照掉，膠照棄！
「真」香港人呀，請珍惜香港，珍惜地球呀！
小篇阿踎
https://unwire.hk/2019/02/11/standard-chartered-marathon-reusable-cup/life-tech/green-2/amp/
小編覺得香港嘅土地問題真係愈黎愈嚴重，除咗市區嘅土地唔夠之外，依家連郊外嘅地都唔夠呀！陰功豬..點解會咁呢…？
話說..原來有好多內地旅行社搞埋曬啲郊野公園「深度遊」，佢地仲要無聲無息咁殺入灣仔嘅南營地露營，除咗霸曬啲地起帳篷之外，連啲木櫈木枱都比人用帳篷霸住咗，搞到成個私家餐廳咁，仲有提供埋港式早餐，煮埋「出前一丁麻油麵」比佢地食咁話，食飽飽之後就拖喼走人。
強國人呀強國人，你地真係勁，遲下不如去埋殯儀館、墳墓、差館、醫院、政總度露營呀，小編都覺得係一個唔錯嘅「深度遊」。
by 明太子
http://s.nextmedia.com/realtime/a.php?i=20190208&s=6996647&a=59236037
香港公立醫院嘅人手唔足夠，醫生沉重嘅負擔，好難只係單單依靠本地醫生嘅學額去補足，成日都話增加輸入海外醫生係其中一個解決人手唔足夠嘅問題…但大家又知唔知道香港係過去6年裏面，就總共請咗39名海外醫生，但依家就得返10個醫生….點解會咁呢？
有啲海外醫生根本就唔想留係香港呢個地獄一樣嘅公立醫院工作，因為佢地係外國..就好似係英國咁，醫生受到最高工時嘅法例保障，每星期最多只可以工作48小時，如果醫院人手唔足夠，就會請臨時嘅醫生黎填補空缺，醫生自己亦都可以簡會唔會超時工作。
除此之外，英國醫生係唔可以長時間工作而唔放假，而且輪班最少都要隔12小時。但香港嘅公立醫院醫生就唔係，要不停咁直踩落去，連食飯嘅時間都無，再加上，香港嘅公立醫院醫生..佢地見病人見得嗰5分鐘就話睇完，同埋最重要嘅係公立醫院嘅工作環境根本就好似打仗咁，最終海外醫生嘅流失率勁高，從而又導致返人手不足嘅問題，睇黎今次醫管局真係要認真咁檢討一下自己行政啦！
By明太子
http://s.nextmedia.com/realtime/a.php?i=20190208&s=6996647&a=59234595
今日已經黎到年三十晚啦，小編提早同大家拜定年，祝大家新年快樂、財源廣進、大吉大利、一元復始、福壽雙全、鴻圖大展～～
小編係網上見到有好多外國駐港領事館都響應呢個重要嘅節日，佢地全程仲用廣東話拍攝賀年嘅短片，話要同香港人拜個早年咁話喎，佢地雖然講得唔係好正，不過佢地好明顯係尊重緊香港人嘅文化，勁有誠意咁用「廣東話」黎同香港人拜年，小編亦認識唔少外國朋友，其實要佢地講廣東話，根本就唔係一件容易嘅事，所以肯用「廣東話」嘅領事真係要比勁多「like」佢地。
香港嘅生活不嬲都係以「廣東話」為主，無論係街、睇醫生、學校、電視劇集都係講「廣東話」，但自從回歸之後，「普通話」就愈黎愈代表咗共產黨呀，中聯辦呀，攞香港人嘅錢黎興建大白象工程呀，香港就慢慢咁步入緊死亡…
如果要抗拒中國控制香港，小編覺得第一步係要守住「廣東話」，而唔係好似教育局之前話「廣東話係一種唔係法定嘅中國方言」，正仆街…即係話「廣東話」係香港係無法定嘅地位咩？唔通香港人要講「普通話」先至係名正言順咩？吹脹！！
「廣東話」同「普通話」根本就係兩個世界，小編認為香港人嘅「廣東話」，它…夾雜咗好多唔同嘅文化同故事，亦係代表香港人嘅精神，如果無咗「廣東話」，你地諗唔諗香港會變成點？
by 明太子
http://s.nextmedia.com/realtime/a.php?i=20190203&s=6996647&a=59218325
小編相信對好多香港人黎講，遊樂場嘅集體回憶就係「荔園」，但大家又知唔知東九龍其實都有一個遊樂場呢？佢就係叫做「啟德遊樂場」啦，可能大家都好陌生，不如等小編話比你地知啦～
仲記得爸爸講返細個嗰時嘅回憶，成日都話公公帶佢去「啟德遊樂場」玩，其實小編係完全未聽過「啟德遊樂場」呢個名，更加唔知道佢係邊度，所以好有興趣叫爸爸講多啲呢個遊樂場嘅野俾小編知。
「啟德遊樂場」係1965年1月31日開幕，地址係九龍新蒲崗彩虹道，而遊樂場除咗有機動小汽船同小火車之外，仲有啲比較大型嘅機動遊戲，就好似太空飛船、碰碰車、單軌火車、咖啡杯、快樂椅、過山車、恐龍屋、鬼屋同摩天輪等等，而且大門口前面仲有一隻綠色巨獸。
爸爸最鐘意玩當時最興嘅一部電子遊戲，第一代食鬼同太空侵略者（俗稱蜜蜂機），仲話嗰時要排好耐隊先可以玩到。而公公就最鐘意用5毫子去拋香口膠，當時爸爸只能夠乖乖地企埋一邊睇，完全無份玩。
後來，「啟德遊樂場」比港英政府收好貴嘅租金，加上係1977年，「海洋公園」開幕，令「啟德遊樂場」嘅經營就更加困難，同埋「啟德遊樂場」嘅佔地又比「荔園」同「海洋公園」細，遊樂設施又唔多種類，所以係1982年4月正式結業，依家香港人只記得「荔園」，而唔記得曾經帶過比香港人有好多快樂嘅「啟德遊樂場」。
by 三色貓
豬年第一宗「辱豬」事件由香港一位有腦的立法會議員引爆頭條新聞。
引述這位黨主席的偉論：野豬市區橫行，不守交通規則，危害市民及駕駛人士。應該仿效澳洲批準民間射殺，如果人手不足處理絕育搞到豬群大量聚集影響民生交通嘅話，就流放佢地去荒島，等佢地自生自滅。
如果咁嘅謬論能夠成立，咁班大媽大叔拖喼橫衝直撞，霸住條路執水貨，旅巴封路上落客，逼行人行曬出馬路，呢啲市民被危害嘅程度都足以批準民間射殺啦！
又如果人手不足處理醫院班呃針呃藥嘅外來人，學校唔夠老師教你班外來嘅兒童，呢啲民生被影響嘅程度都足以要流放呢班外來人去荒島，等佢地自生自滅啦！
「豬」般智慧嘅議員在垃圾堆中找食物，正是今天垃圾局的真貌！
by 小篇阿踎
屌… 笑𠹌死小編明太子囉，無幾耐之前小編先寫完有勁多嘅大陸團殺入觀塘嘅「冬菇亭」、「小西灣邨街市 」等等，搞到周圍污煙漳氣。點知依家啲大陸團愈搞愈多元化，竟然將香港啲大學變成景點… 嚇𠹌死！
好，當小編回神過後，就上網睇睇啲旅行社啦..又比小編發現佢地以「名校遊」、「學府之旅」、「香港世界名校遊」黎吸客，部份亦聲稱團友可以深深咁了解校園嘅特色，比小朋友一個明朗嘅未來（嘩..呢句夠經典，唔通參觀完，就可以吸收到大學嘅靈氣，然後就可以讀到咩！！咪玩啦！！）
仲有仲有…香港大學嘅景點有本部嘅大樓、孔慶熒樓、鄧志昂樓同埋陸佑堂，仲要包各位一餐lunch tim，各位內地團友，努力去吸收多啲靈氣，如果香港大學吸收唔到靈氣嘅話，其實我知你地仲會去吸收埋科大、中大同埋理大tim，「like爆」..真係笑到小編個肚好痛。
by 明太子
http://s.nextmedia.com/realtime/a.php?i=20190131&s=6996647&a=59206232
「黎咗香港就應該歡迎你地」？我頂…新移民一黎到香港就可以得到勁多福利，咁請問香港人呢？香港人要申請援助或者公屋就要左查右查…左批又批！而啲新移民好快就攞到公屋，香港人就等成十幾年都未等到，好啦，到你等到..新移民唔知點解可以住係近市區嘅新建公屋，環境又靚，香港人就反而編排到勁偏遠嘅地區。
不如又講下可憐嘅香港長者，政府叫佢地返去大陸養老，但…又唔知點解啲新移民又可以申請埋佢地嘅岳父、岳母、家公、家婆、阿伯、阿叔、阿嬸（全家總動員..）黎香港養老，然後又可以順便申請埋綜援！！嘩…真係多得你地班新移民唔少…小編都比個like你地！咁樣樣搶香港人嘅資源，仲話叫香港人要多多包容你地？！？係咪傻Q咗！！！
請問政府點解仲可以縱容班新移民？點解啲福利就比Q曬佢地？請問佢地有無為香港貢獻過任何野？點解佢地唔使交稅？但一黎到香港就即刻可以有錢使？香港人捱咗成大半世而建設嘅「香港」，每日努力咁去工作，安分守己，按時交稅，點解香港人仲要去歡迎一班無貢獻嘅新移民呢？！？
by 明太子
http://s.nextmedia.com/magazine/r.php?a=2_652117_0&i=20190130
Justice News 公正新聞 