病人甲：姑娘，我想登記掛號睇醫生呀。
姑娘：請等等，我要去接受完「教育」先幫到你！
病人乙：護士，我想探個熱睇下係唔係發緊燒呀。
護士：請等等，我要去接受完「教育」先幫到你！
病人丙：醫生，我咳到嘔血呀，救下我啦。
醫生：請等等，我要去接受完「教育」先幫到你！
病人丁：我就黎生得啦，有無人可以幫下我！
病人戊：我就黎死得啦，有無人可以理下我！
病人己：我好返曬啦，有無人可以講我知幾時出得院呀！
病人庚：………………………！
病人辛：………………………！
病人𡈼：………………………！
醫護界：請等等，我要去接受完「教育」先幫到你！
小踎：乜教育咁緊要，比以救命療症為天職使命更重要呢？
醫局老闆：「國情教育」呀，我地每年1-2月都要搞架，因為醫生呀，護士呀，姑娘呀都要知曬國家嘅政治、社會、經濟現況同前瞻，要參加人民大會堂畢業儀式，要上過長城，遊過故宮等等，先至做登記做得更好，探熱探得更準，救人醫病先有效率架！
小踎：XY%#Z@&U£¥KL……
小踎：鵝特，我想死呀，你幫下我啦
鵝特：請等等，我要去接受完「教育」先幫到你！

小篇阿踎

重點硬銷一帶一路　大灣區

http://s.nextmedia.com/apple/a.php?i=20190129&sec_id=4104&s=0&a=20601666

小編睇完呢篇新聞，覺得呢個黃醫生講嘅嘢好鬼正，完完全全咁講出咗香港大眾市民嘅心聲，其實香港點可能會唔訂立一個「人口上限」嘅政策呢，每日有150個新移民黎香港，每年就有5萬幾人，10年就有50萬人..嘩嘩嘩..香港人生BB嘅數目又唔見上升，香港醫院又唔見淋病起多幾間，醫生人數又唔見你增加，增加嘅話..分分鐘叫啲內地醫生黎香港幫手（小編心諗..想醫死人咩..超恐怖囉！利申），啲新移民又愈黎愈多..唉..睇黎香港都係得二個字黎形容，就係「死梗」…「死梗」…「死梗」！

點解香港唔可以訂立「人口上限」政策呢，小編認為係因為香港所有嘅官員都認可咗每日150個單程證係一個「神聖不可侵犯」嘅野（阿們），咁試問..無論係教育、醫療、勞工、經濟、交通運輸、房屋，總之你諗到嘅野都幾乎係無一樣唔跟「人口」有關，所以「人口」嘅限制有幾重要，小編就真係無法描述得到啦。

淋病就好似係一個「擦鞋仔」咁，唔敢向中央政府如實咁反映香港依家嘅情況，為香港人爭取最好同最有利嘅政策。

By 明太子

https://hk.mobi.yahoo.com/news/醫院爆滿醫生促停每日150個單程證-稱有人來港即洗腎或求醫-081500649.html

官大人，有人咁樣同你講：

「你床頭個吊櫃螺絲唔扭曬都安全架，你放心瞓啦！」

「你屋企個門窗螺絲唔扭曬都安全架，你放心住啦！」

「你屋企嘅冷氣、雪櫃、電視、檯櫈、廁板、爐頭…嘅螺絲都扭唔曬入去架，放心啦，照住住先！」

「你尾企所有嘅傢俬電器嘅螺絲都唔使扭實架，因為驗樓同埋簽批文嘅專家話無問題的，可以住喎！」

官大人，你咁樣回答：

「係咩！既然驗批都話無問題，者係無問題啦，我住！」

兩日後嘅報紙頭條咁樣講：

「一名高官家居發生意外，家中大廳天花整幅墜落壓身，肇禍原因，天花鋼筋偷工減料，鋼筋被剪，螺絲無扭，而高官正奄奄一息，無法追究個班欺上瞞下，禍港殃民嘅貧商枉賊了！」

by 小篇阿踎

http://s.nextmedia.com/apple/a.php?i=20190128&sec_id=4104&s=0&a=20600702

農曆新年就快到啦，相信大家都會同屋企人食「團年飯」，而「團年飯」又稱為「年夜飯」，最重要嘅係全家團聚，無論平時大家點忙都好，到咗年三十晚，大家都會提早返屋企團聚，等齊人先可以食飯。

係傳統嘅習俗上，其實「團年飯」食得愈耐就愈好，有啲屋企係會一直食到深夜（小編嘅屋企就係咁啦，利申），傳統嘅團年菜其實都有唔同嘅象徵意義，就好似要有一條大魚，表示「年年有餘」，菜頭代表「好彩頭」，年糕就表示「年年高陛」，炸油角、煎堆同蛋散等等，就代表「煎堆碌碌，金銀滿屋」。

食完「團年飯」之後，有好多人通常都會行下年宵市場湊下熱鬧咁（即係得個迫字…），但傳統習俗上，其實吃完「團年飯」係唔會出街，點解咁搞笑呢？因為呢個時間係請求神明同接神明嘅時間，如果每個人都出曬街，咪無人接神明囉，即係黎緊呢年無神明保護啦，不過呢啲都只係習俗啫，小編覺得只要一家人係埋齊齊整整就已經好開心。

大家又有無聽過「壓歲錢」呢？「壓歲錢」又稱為「壓祟錢」，係古時候有一種小妖叫「祟」，黑色身，白色手，每到除夕夜都會出來害人，而且它習慣用白色手係熟睡嘅小朋友頭上面摸一下，然後呢個小朋友會發燒、講囈語，幾天後會自動退燒，不過聰明嘅小朋友從此變得瘋瘋癲癲。所以啲人驚「崇」黎害小朋友，就會點亮燈唔訓覺，稱為「守祟」。而小編嘅爸爸媽媽通常都會係食完團年飯之後，就會派「壓歲錢」比我地幾個兄弟姊妹，意思就係祝福我地平安度歲咁解，然後小編就會將「壓歲錢」放係枕頭邊，希望「崇」唔會黎搵我。

最後，小編提提大家記得係新年之前好去「剃年頭」，意思即係去剪頭髮咁解，俗語話齋「有錢無錢，剃頭過來，歲末要剃好年頭，乾淨咁過年」。所以大家都會發現臨近晚歲，間間Salon都會迫滿人，再加上傳統正月係唔適宜剪頭髮，意思係不吉利喎。

by 三色貓

「中」方代表：【晨煦Aurora】+【乘風Endeavour】

介紹：第四十九屆香港中文大學學生會幹事會候選內閣

外務政綱：支持香港獨立，脫離中國壓迫，守護香港文化，香港優先政策

抗爭手法：雙軌抗爭法（和理非、勇武抗），對準政權，對準校內建制

事件立場：支持議會外抗爭，支援抗爭前線，反對DQ事件，反對無理取締政黨，反國歌法，反國民教育

「港」方代表：【蒼傲Prism】

介紹：2019年度香港大學學生會中央幹事會候選內閣

外務政網：關心學生自殺，社會貧富懸殊，政府施政效率，樓價生活成本

抗爭手法：港學生會自1912年成立以來，積極參與社會「民生」運動，作為候選內閣要承傳百年理念，在「民生」議題上代表同學發聲，所以：「沒有壓迫，何需抗爭」。

事件立場：DQ事件依法執行，民族黨取締合理，支持國歌立法，支持炒戴耀廷，佔旺抗爭者是黑社會

小踎並非單單想展示他們的不同，而是想讓大家看到「紅手」已成功掌控大專學界了，如果唔係，點解成個港大得一個參選內閣？大專界祇剩一個中大有內閣肯為理想發聲？點解聲討大會得個百幾人出席？點解香港人甘心將呢個百年基業拱手攘讓？

by 小篇阿踎

https://thestandnews.com/politics/%E4%B8%AD%E5%A4%A7%E5%AD%B8%E7%94%9F%E6%9C%83%E5%85%A9%E5%80%99%E9%81%B8%E5%85%A7%E9%96%A3-%E9%83%BD%E8%AA%8D%E5%90%8C%E6%B8%AF%E7%8D%A8%E5%8F%AF%E5%8F%96/

香港前線嘅醫護人員唔足夠，其實已經唔係今時今日嘅事，就好似上星期咁，有一班醫護人員頂唔順，決定上街遊行抗議，希望能夠爭取更多嘅資源，能夠解決而家嘅問題。點知嗰日食物及衞生局局長話：「我有啲趕時間….」，嘩…趕住去投胎咩..成班醫護人員即刻勁嬲囉。

好啦，點知格咗幾日…醫院管理局就send email比所有前線嘅醫護人員，又話知道依家係「流感高峰期」呀、「同事嘅工作超忙碌」呀（鬼唔知咩..利申），仲話為咗多謝一班醫護人員嘅努力，所以就請咗一啲明星拍片..話要為大家打打氣咁話，下…請明星打打氣，小編即刻忍唔住笑咗出黎囉！

你班垃圾醫管局，有無諗過叫啲明星打打氣，就真係有用咩？浪費資源又解決唔到問題，如果小編係醫護人員，每日都做到死死下，得閒死都唔得閒睇片啦。不如叫啲高層攝高枕頭，好好咁諗下有咩辦法去解決人手不足嘅問題，又或親身落去醫院睇下啲人員，然後親自打打氣者仲實際啦！死蠢！

by 明太子

http://s.nextmedia.com/realtime/a.php?i=20190125&s=6996647&a=59182356

世界的四大自由【FourFreedoms】

Freedom of Speech 『言論的自由』

Freedom of Worship 『宗教的自由』

Freedom from Want 『免於匱乏的自由』

Freedom from Fear 『免於恐懼的自由』

是1941年由美國第32任總統羅斯福在國情咨文演講中發表的主題，被認為是代表美國作為自由世界領袖的政治宣言，諦造了現代文明社會所堅持和捍衛的基礎和普世價值，並寫入聯合國的《世界人權宣言》！

中國的四大自由

『大嗚』『大放』『大字報』『大辯論』

是文化大革命中盛行的四大自由，是毛澤東為了克服中國政治體制幣端的一段慘痛歷史，是全國有上千萬人被打成反革命份子而喪失生命的黑暗世代。直到今天，真正的【四大自由】仍未能見諸於這片九百五十萬平方公里的黃土地上！

香港的四大自由

『政治』『經濟』『人身』『社會』

香港市民享有基本法規定的這四種自由，再細分下去的還有集會、遊行、示威、言論、宗教、結社、出版、選舉、出入境……。香港人，似乎還得以苟延在自由的尺度中，但黎到2019年嘅今天，香港人就要由先失去「不歌頌」的自由來迎接並進入黑暗的國度吧！

by 小篇阿踎

http://s.nextmedia.com/apple/a.php?i=20190124&sec_id=4104&s=0&a=20597911

小編係細個嘅時候，爸爸成日都會買當時好流行嘅涼果小食「飛機欖」比我食，但依家已經消聲匿跡。我相信有好多香港人都會記得嗰種味道，甚至係透過呢種味道，而勾起唔少童年嘅回憶，「飛機欖」曾經係50-70年代香港土生土長嘅涼果小食。

小編爸爸成日都同我講：「你地依家呢一代人有無好好咁諗過香港呢個地方嘅歷史？」我即刻諗一諗..仲以為自己好熟悉啦，但當小編重新去發掘嘅時候，先發現呢個地方已經改頭換面，變得冷酷又拜金嘅城巿「香港」。

係時間嘅流逝中，大家都有共同嘅回憶，但又比啲無聲無息嘅歲月靜靜咁偷走。「飛機欖」正正就係比香港城市發展到無法立足，對小編黎講，「飛機欖」唔單止係陪伴著我成長嘅涼果，更加係當年香港城市風貌同小市民生活嘅記憶體。

如果比小編係街度見到賣「欖」嘅小販，我都一定會買幾粒黎試下，不過…「欖嘅」味道，始終都唔係爸爸當年買比得食嘅嗰一種味道。唉…「飛機欖」已經係香港消失咗，小販抛擲「飛機欖」呢種民間絕技同時亦都消失，「飛機欖」唔單止係我生命中消失…亦都從依家嘅社會中消失。

其實小編今日有啲慨嘆..探討「飛機欖」嘅意義並唔單止係懷念兒時嘅回憶….而係想帶出香港呢個城市發展嘅意義究竟為咗乜，而「飛機欖」就好似係一片頹垣敗瓦中發掘出昔日生活中珍貴嘅事物咁。

by 三色貓

港珠澳大橋通車三個多情，成績表卻見紅，同政府當初預計有很大出入，無論客流貨流都不似預期。

港府一直堅稱工程對香港無論是人流物流均存明顯促進作用，可以吸引珠三角西部、廣東西部及廣西等地區貨物來港轉運，並且可以大幅宿短行車路程。可是現實很明顯跟口號有很大落差。

當年合和集團胡應湘是在1983年提出興建大橋，因應當時香港制造業發達，中港貨運需求量大，集中珠江三角洲運输業務可讓香港成為珠三角的物流中心。但時移世易，2003年港府决定上馬大橋項目時，香港已非以制造業主，轉口貿易也萎縮中，最後連葵涌貨櫃碼頭的世界第一轉口港地位都不保。因此這條大橋的意義和作用均已不大，但最後港府緊決上馬這個造價千億的大白象項目，明顯是為達某種政治目的，而並非為香港實際需要出發。

by 小草泥馬

https://hk.on.cc/hk/bkn/cnt/news/20190124/mobile/bkn-20190124010011351-0124_00822_001.html

三權分立的制度

三權分立又稱權力分立，普遍民主國家/社會都採取這種政治制度。三權分立指「行政、立法、司法」權力分立，互不從屬，從而達到互相監察和制衡的作用，防止『極端政權』出現。

三權分立的歷史

分權思想可溯源到古希臘的亞里士多德時代，認為國之治亂以三權是否調和為轉移。近代明確闡述分權學説的是17世紀英國的哲學家洛克，《政府論》作者；法國的思想家孟德斯鳩，《論法的精神》作者，系統地提出三權分立之原則。權力分離的形式包括行政、司法、立法，解決政治制度可能出現的問題。以此制度取代封建君主專政制度。此學說被廣泛認為是民主制度的有力保證，與其相對立的政權形式是『一黨/極權專政制』。

中國對分權的睇法

三權分是階級權力分配的一種機制；

三大權力機關之間是互相扯皮，效率低下；

三權分立的原則難以在政治實踐中真正貫徹；

當代的美式三權分立本質上是資產階級民主制度，是維護美國資產階級的統治。人民不可能在這種制度下享有真正的民主。

香港的三權分立制度

香港是在行政主導下的權力分立

行政長官—-負責行政，擁有任命官員，統領政府部門，制定政府政策等權力；

立法會—-負責立法，擁有通過法律，審批政府財政，監察政府等權力；

法院—-負責司法，依照法律對案件進行審訊及裁決；

by 小篇阿踎