隨住高鐵同港珠澳大橋嘅通車，好多旅遊業都舉辦各種形形色色嘅旅行團，目的就係想吸引華南、長沙、湖北同武漢等等嘅內地遊客，比佢地嘗試搭高鐵黎香港，之後坐車經港珠澳大橋去澳門同珠海等地方。

大家都知道香港地少人多，突然間「通車又通橋」，搞到勁多內地旅行團一窩蜂黎香港，有啲內地團更加離譜，開始攻陷屋邨，就好似觀塘嘅「冬菇亭」咁，佢地依家只係做團餐，每日招待成200幾團友，搞到當地市民想搵個地方食飯都無位坐，仲有公廁又大排長龍，清潔姐姐做到無停手，公共地方衞生轉到差曬！

小編覺得最好笑嘅係，「小西灣邨街市」竟然都可以成為景點之一（下…真係諗極都諗唔明囉…利申），街市有好多檔主大呻啲旅客只係參觀，而且又礙住做生意。又好似天水圍邨嘅廣場，出面發現有大量嘅水貨客聚集，逼爆巴士同小巴，啲人嘈到一個點呀，完完全全影響附近嘅居民。

最近小編上網又發現有好多內地旅行社舉辦港澳團，介紹嘅行程寫明係「獨家」參觀本地嘅街市，又話「走近香港本地民眾嘅生活」，推薦為遊客必去嘅地方。唉，咁搞法香港真係無日安寧…唔得你「死」。

by 明太子

http://s.nextmedia.com/realtime/a.php?i=20190123&s=6996647&a=59164360

「老共」亦稱「紅共」，何謂「老共」呢？借用信報財經版嘅全神闡釋：「高舉馬克思主義大旗的老牌共產政權和經濟體(不含褒眨意涵)」

而在「老共」中卓卓有名的五個政體，小踎稱之為「紅五」。分別為：

「紅朝」— 朝鮮
「紅老」— 老撾
「紅古」— 古巴
「紅越」— 越南
「紅中」— 中國

「紅五」的現況都有一些共同特徵，例如在全球新聞自由指數、全球民主指數、全球社會進步指數、人類自由指數等，都能位列倒數排名的低端行列。另一個共同特徵就是「驅三趕四」。甚麼是「驅三趕四」呢？就是驅逐「三權分立」趕走「四大自由」(留待小踎下回分解)

能做到「驅三趕四」的政體，小踎保證擠身「老共之列」乃指日可待！

by 小篇阿踎

http://www2.hkej.com/commentary/finanalytics/article/2040590/%E5%85%A8%E7%90%83%E6%B0%91%E4%B8%BB%E6%8C%87%E6%95%B8+%E9%AB%98%E4%BD%8E%E9%97%9C%E4%B9%8E%E6%94%BF%E5%88%B6

政府近年積極硏究及推行智慧城市，本意為市民提供更優質生活環境，實為港人之福。

智慧出行、智慧生活等措施會產生大量數據，可是這些提升城市管理成效和改善市民生活質素的措施及數據極之容易被濫用。就以天眼為例, 日後恐怕公眾地方會被實時監控，這些個人化的數據在監管不足下很容易被利用， 甚至可能為政府惡法及國安法提供大量重要檢控證據，私隱條例從此形同虛設。

政府當務之急應先交出具體的私隱管理方案，讓市民對措施有信心，否則强橫推行只會弄巧反拙。

by 影分身

https://hk.on.cc/hk/bkn/cnt/news/20190119/mobile/bkn-20190119045940092-0119_00822_001.html

淋病之前宣布咗一系列有關「收緊長者綜援」嘅措施，60至64歲嘅健全申領綜援人士，同時會發放埋「就業支援補助金」——就係得「$1060」津貼。

淋病「收緊長者綜援」嘅政策，小編覺得係「大錯特錯」，收緊申領長者綜援年齡，目的就係想釋放勞動力（咁係咪即係刻意刁難申請者呢？）

淋病一定無諗過現實嘅香港太可悲，有太多嘅公司「標籤長者」，而令到長者佢地根本就搵唔到工，即使比佢地搵到工，好多都係做緊保安、清潔嘅工作（又辛苦又低人工）。小編明太子雖然支持長者工作，因為香港真係有好多長者有生活嘅問題，焗住都要繼續工作頂硬上。其實長者佢地嘅寶貴經驗、人際網絡、穩定、更加可以幫助到公司，只要有更多嘅公司肯俾機會佢地，長者絕對係無問題。

而且香港長者勞動嘅人口參與率一定係會繼續上升，從改善長者福利同生活素質黎睇，淋病月娥佢係需要制訂更加多「紓緩長者貧窮」嘅措施，而唔係再不停咁收緊呢樣，又收緊嗰樣措施！！

by 明太子

https://hk.news.appledaily.com/local/daily/article/20190119/20594648

小編覺得「集體回憶」呢個詞語，一早已經比政府同大財團扭曲到唔似人形，啲大型商場大搞街頭小食展覽，人工化「重現」嘅小販檔，自食其力嘅老小販又比食環打爛小販啲車，真係勁諷刺囉。

今日想講下豬仔錢罌嘅歷史，大家知唔知道原來豬仔錢罌誕生係60年代，幾乎每一間嘅文具鋪同雜貨店都有得買，而且更加成為唔少70、80後嘅兒時玩具。到咗90至千禧年代，雖然仲有工廠繼續生產，但千禧世代的小朋友一早已轉玩電話，沈迷遊戲網絡中，豬仔錢罌已經「Out」，市面上的豬仔錢罌更加相繼絕跡。

豬仔錢罌嘅消失，小編覺得好似香港人又失去咗一樣重要嘅「集體回憶」，相信70、80後都會記得豬仔錢罌除咗係用黎玩之外，亦都係儲蓄嘅象徵，當年嘅豬仔錢罌分4種大細，成隻豬係無開口，儲滿咗豬仔要攞返啲錢出黎就要劏豬啦！

你地咪睇豬仔細細隻就以為唔係儲到好多錢，小編問返啲人，原來每到新年都會買齊四隻豬仔返屋企儲五蚊同十蚊銀，儲滿咗劏豬後發現最大嘅豬仔可以儲到一萬蚊咁多。而豬仔錢罌係山寨廠用機啤出來，成個豬仔完全密封，入錢嘅位亦係封住咗，要親自為豬仔開口，除咗用刀之外，其實只要用打火機燒熱個五蚊銀，「趁熱」熱熔入銀口，貪五蚊銀體積啱啱好，可以入錢，但又不容易由開口中「偷錢」。

到咗80年代開始，就開始推出比較精緻嘅白陶瓷款式，底部加咗黑色膠塞，以後就唔使再「劏豬」啦！

by 三色貓

https://hk.lifestyle.appledaily.com/lifestyle/realtime/article/20190121/59158256

呢個鵝特政府好嘢呀，終於派錢啦，請以熱烈掌聲報答！

手掌拍完，想攞錢呀？睇清楚自己有無資格先啦！

睇唔明呀？問曬啲姨媽姑姐，三叔五嬸啦，如果都唔明，就算啦，因為鵝特都唔會明，因為佢根本唔需要！

睇完曬，好似有資格喎？填表啦，四大頁紙，三頁都係聲明同誓詞，慌死俾人呃咁。記得唔好填錯呀，告你作出虛假陳述架！

填好啦？唔該乖乖地提供身份證、住址證、銀行簿驗證，缺一結果自負，收你雞碎咁多，起你全家底！

執齊曬啦？用兩蚊郵票寄去唔知個乜辦事處收，或者自己行去個處度交啦，啲處係邊？再次問姨媽姑姐，三叔五嬸啦！

唉！鵝特，搞咁多無謂嘢，唔知嘅會俾你嚇死，以為你每人派「四千萬」添！

真心想知，如果係鬍特，佢會點樣派先至贏倒口啤呢！

by 小篇阿踎

https://news.mingpao.com/ins/%e6%b8%af%e8%81%9e/article/20190121/s00001/1548041360673/%e3%80%90%e6%b4%be%e9%8c%a24000%e5%85%83%e3%80%91%e3%80%8c%e9%97%9c%e6%84%9b%e5%85%b1%e4%ba%ab%e8%a8%88%e5%8a%83%e3%80%8d%e7%94%b3%e8%ab%8b%e8%a1%a8%e4%bb%8a%e6%97%a5%e8%b5%b7%e6%b4%be%e7%99%bc%ef%bc%88%e9%99%84%e4%b8%8b%e8%bc%89%e9%80%a3%e7%b5%90%e5%8f%8a%e9%81%9e%e4%ba%a4%e5%9c%b0%e9%bb%9e%e6%b8%85%e5%96%ae%ef%bc%89

香港近幾十年已成功轉型商業化社會，工業生產所帶來的空氣污染已近不存在，加上廣東一帶產業升級轉形也已大大改善空氣質數。但本港氣污染問題也不能忽視，可是香港環保部門近年卻不見有何長進，依然只是被動及公式化的運作，未能就環保與生活之間的平衡提供具體建議。

政府近年推行多項大白象工程，其間也產生出多起環評訴訟，但政府不單不正視，反而設法收緊環保部門的獨立性，就好似將PM2.5空氣指數的「可容許超標次數」由9次大幅增加至35次，目的顯然是想為「明日大嶼」項目環評鋪路，設法讓高污染基建項目環評通過。

環保部門已經喪失其專業性、獨立性，只算聽命政府的政治工具，並未能發揮其在環保把關的重任，這種本末倒置的運作模式，同時也犧牲了香港市民的健康。

by 小草泥馬

https://hk.news.appledaily.com/local/daily/article/20190118/20593722

香港人，為何智商低到了這個點！

文體截錄自1月14日的東方日報。

低智程度1. 居然有人諗到辦一個邊跑邊食嘅馬拉松「鬧劇」，係個主辦者嘅居心有問題！

低智程度2. 居然有成萬人參加呢個又飲又食又玩嘅「比賽」，係對運動嘅一種羞辱！

低智程度3. 居然協辦嘅部門唔理人死活，地方、馬路、交警照批，係慷盡你納稅人及道路使用者之慨！

低智程度4. 居然無搞出人命，出年可以再玩大啲，邊跑邊BBQ，邊跑邊打邊爐，最緊要夠卓頭，人命？關我9事！

低到呢個點，大家終於知道醫院點解會爆棚，啲乜排名點解越跌越有，啲外人點解咁鍾意黎香港，因為呢度有一班同佢地一樣咁低端嘅人口！

by 小篇阿踎

http://orientaldaily.on.cc/cnt/news/20190114/mobile/odn-20190114-0114_00176_006.html

小編明太子睇完呢篇新聞，真係嬲到想一野打爆呢個「大媽」，（當然小編知道唔可以咁衝動，利申），呢位大媽打人已經唔岩，講野仲要大聲過「大聲公」…！！

話說呢位「大媽」話巴士司機突然間急煞車，而令到佢個小朋友跌落地，但就有人話「事實係當時呢位小朋友周圍走，又唔坐定定，而呢位大媽又無好好咁睇住自己嘅小朋友，小朋友係自己跌倒係地嘅」。

如果真係架巴士突然間急煞嘅話，無可能得一個小朋友跌落地囉，而且香港愉景灣d路咁窄，突然間要煞掣又有咩問題，小編明太子都試過企唔穩跌落地啦..唔通我就要怪司機咩？最有問題就係呢個大媽，香港又唔係大陸，鍾意打人就打人，低你死比人拉去坐監，最好就罰重啲。

by 明太子

http://s.nextmedia.com/realtime/a.php?i=20190117&s=6996647&a=59152397

近日海峽兩邊又有新舉措，一國兩制的一輪推讓之後，又到福省同台灣眉來眼去，想搞個甚麼「四通」。想通金門、馬祖嘅「水」「電」「煤」「路」，口號係「應通盡通」，將台灣人嘅生活必需都同偉大嘅祖國串通，咁就世世無憂了！

小踎唔知台灣有無一種極不人道嘅對待囚犯方式，叫做「通櫃」，學術稱謂為「人手探肛」，香港已經係2016年正式取消呢種極其違反人類尊嚴嘅不道德做法，因為呢種做法對人黎講係一種莫大嘅耻辱，亦造成生理心理上嘅莫大創傷，雖則是淪為階下囚，但基本的人道權利，他們仍應擁有的。

然而，金門、馬祖，做錯了甚麼事嗎？要落得以階下囚的手段對待，被四夥骯髒的手指抵著背股，儲勢待發地要完成最後一「通」。最後的一「通」完結後是甚麼呢，便是失禁的開始，便是永不磨滅的悲痛的開始。

在這裡有一個已被全「通」的階下囚發出的血淚忠告：「不要被通呀」！

by 小篇阿踎

https://www.hk01.com/%E5%8F%B0%E7%81%A3%E6%96%B0%E8%81%9E/283725/%E5%8F%B0%E7%81%A3%E6%B5%B7%E5%9F%BA%E6%9C%83%E5%9B%9E%E6%87%89%E7%A6%8F%E5%BB%BA%E9%87%91%E9%A6%AC-%E5%9B%9B%E9%80%9A-%E4%B8%8D%E6%98%AF%E5%9C%B0%E6%96%B9%E8%AA%AA%E7%9A%84%E7%AE%97 r