小編今日要介紹嘅係「千奇百趣烏龍街名」，香港有幾條街名一直都係搞錯咗，不過錯有錯著..就無再改啦，就好似⋯

「列拿士地臺」，係半山近堅道同卑利街向下走第二條街，從中文名黎睇，都唔發覺有咩唔妥，唔通係早期翻譯員出錯？！因為一貫書寫中文都是由右至左，當年翻譯員書寫英文字「ALEXANDER」時，可能把英文字母倒轉過來從右而左寫，就變成「REDNAXELA」。所以一直用，而且又未有糾正過來，呢個錯誤亦有可能係專登，因為英國人有時鐘意做啲幽默嘅舞文弄墨的玩笑出黎。

「大強街」係以往通向北角發電廠舊址嘅道路，其英文名改做
「Power Street 」合情合理。「Power 」本應指電力，翻譯師爺誤會係國際列強、「強國崛起」嘅強，於是就譯咗做「大強街」啦。

「斧山道」意思係解作鎚，但誤譯成「斧」，小編估可能因為早期香港嘅官員知識水平唔太高啦，所以又搞錯。

「公眾四方街」改為「眾坊街」，「眾坊街」係近油麻地廟街，好早期大概負責翻譯師爺嘅英文水平關係，將「Public Square」一辭嘅「Public」翻譯為「公眾」，而「Square」一字（本指廣場）則誤譯意思為「四方」，組合成為「公眾四方街」，直到1980年先將「公眾四方街」才正式更正為「眾坊街」。

啲蝦碌野睇完就得啖笑，其實當大家睇慣咗，就無問題架啦！由其而家係一個經常是非顛倒、搞錯都可以講到啱既年代…哈哈。

by 三色貓

大家知唔知道，其實香港有好多街名都係以工業命名嘅呢?就好似有「豉油街」、「染布房街」、「洗衣街」、「東方街」、「煙廠街」、「炮仗街」等等。

「豉油街」、「染布房街」同「洗衣街」都集中係旺角，小編上集已經介紹過旺角（早期叫芒角村）由一個村莊經填海造地，慢慢變成一個具有唔同工業嘅集中區域。

係1924年，有好多條街道名都反映咗當時嗰區處唔同嘅工業，染布房街就有很多染布工業集中；洗衣街就因為那裏的工業廣泛使用工業洗衣機因而命名的。

「東方街」同「煙廠街」都係位於旺角彌敦道同窩打老道嘅「東方煙廠」而得名。東方煙廠係當時旺角規模最大唧工廠之一，總公司是C. INGENOHL，由一位菲律賓人建立，獨家代理黎自菲律賓的呂宋雪茄煙同煙絲轉口到中國及東南亞等地方。其實，早年中國嘅香煙係從菲律賓進入，開煙草公司的人來自菲律賓係不足為奇。到咗30年代，東方煙廠關閉。戰後，在原來煙廠地皮中興建道路，分別改名為「煙廠街」同「東方街」。

「炮仗街」係九龍城，1926年命名。香港歷史上出了一個「爆竹大王」陳蘭芳，佢係東莞人，係莞城製造爆竹、煙花，並大量出口。係1916年，經香港政府批准係旺角首設「廣萬隆公司」獨家設廠製造爆竹，出口到北美新金山（即墨爾本）、孟買、南非及東南亞一帶，銷路日廣。陳復設廠係九龍城碼頭角北帝街，自建工廠一間，工人大約一千人。

係1926年，佢係澳門擴充發展，到抗戰時，陳已穩執全國爆竹製造業出口嘅牛耳，但太平洋戰爭後，陳嘅爆竹業受到好大嘅打擊而淡出，九龍城「炮仗街」係因為該處炮竹廠而取名嘅。

by 三色貓

小編不停咁睇到好多大陸人係外國讀書、旅行、就業或者移民，佢地都比當地人鄙視，甚至係排斥嘅負面新聞，而且類似嘅負面新聞仲要越黎越多，真係樣衰死人。

外國人點解咁唔鐘意大陸人？小編覺得原因係因為..

第一：講野勁大聲！
第二：成日打尖！
第三：隨地丟垃圾！
第四：隨地屙尿！
第五：旅遊景點亂寫亂畫！

大陸人嘅素質勁差，好似去廁所成日打尖、隨地吐痰、公共場所大大聲咁講野、去廁所唔沖廁、破壞公物、污糟邋遢等等，即使清清楚楚咁用簡體字寫明「排隊」、「沖水」、「洗手」、「不要亂拋垃圾」等等…大陸人仍然彩你都傻，正所謂：你睇我唔到..我睇你唔到！！！

大陸人依家仲要去到人地嘅國家生活，唔係應該要入鄉隨俗咩？點解仲可以唔去學人哋嘅語言？唔通人地要學普通話咩？點解仲可以踩人地個國家？又話呢樣唔好..果樣唔好？又係度攞曬人地國家嘅資源，小編覺得既然佢地有咁多嘅唔滿意，不如真係返去中國啦！

https://tw.news.appledaily.com/international/realtime/20190111/1498988

據明報報道，國家生態環境部已批准惠州核電廠下一階段設計工作，該核電廠距離香港只有90公里，係目前廣東六座核電廠嘅其中一個， 預計投資約1200億人民幣，使用第三代核能技術華龍一號機組。

正當全世界推行新能源，中國卻反其道而行， 理由相信跟中國的計劃經濟模式關係十分密切。由於火力發電廠的高污染，早十年前已開始被淘汰，取而代之就是核能源。這十年間，多家核能源企業紛紛上市，並在全國部署開發核電廠項目。 但在2011年日本核事故後，中國曾一度停止審批核電項目， 表面審慎， 但發展實際從未停止。

隨著近年內地工業向外國遷移 ，生產委縮， 尤其廣東省，電力需求不斷下降中，  中國政府應要審時度勢，不要盲目按照原有規劃，或保護小數持份者，應該趁住工業轉型的時機,  加大優化能源管理， 將核電投資轉到再生能源領域。

同時安全問題所引發顧慮，特別是中國很多核電設施建造在大城市附近，一旦發生事故可能會是千百萬人暴露在輻射之下，國家核安全部門和核電企業是否有因應特大事故 ，以及電力和通訊全面故障制定安全應變計劃？ 這些計劃是否可以經得起像福島核電廠那樣的事故的考驗？在數小時之內有秩序地疏散數以十萬計民眾，中國真的有能力做到嗎？ 這樣的疑慮在日本核電事故後都表露出來， 但至今仍未解決。香港政府也應就港人福祉，勇於向中國政府提出反對建議。

by 影分身

https://m.mingpao.com/pns/港聞/article/20190114/s00002/1547403094911/距港90公里-惠州核電廠選址通過-採內地研發機組-發電量大亞灣嶺澳總和

政評讀書人梁文道寄唔到三本書返香港，三本書分別係「《滾出中國》、《大辯論》、《思想史》」。據梁估計係因為酒店用左有中資或港資背景嘅速遞公司郵寄，因為唔敢得罪中國而作出自我審查所致，責問酒店為何不用外資嘅DHL、UPS！

小踎識人唔多，最近有兩個朋友，一個係生意人基督徒，一個係傳道人基督徒，同一日同一個關口帶同一本宗教書返內地，最後生意人順利過渡。

另外兩個朋友遊西藏，一個職業係醫生，一個職業係記者，係布達拉宮前面起勢影相，最後記者朋友相機被沒收。

小踎想講嘅係，唔理你係黑貓定白貓，只要貓已被定性為不受歡迎的話，你就算識捉老鼠都係一隻壞貓，除非你願意自稱為狗啦！

小踎更加想講嘅係，真正嘅政評人，真正嘅讀書人，真正嘅傳道人，真正嘅攝記人，你們都會是不受歡迎的貓！

by 小篇阿踎

https://thestandnews.com/politics/%E9%A0%86%E8%B1%90%E6%B6%89%E5%AF%A9%E6%9F%A5-%E6%96%BC%E5%8F%B0%E5%8C%97%E5%AF%84%E6%9B%B8%E5%9B%9E%E6%B8%AF%E8%A2%AB%E6%8B%92-%E6%A2%81%E6%96%87%E9%81%93%E6%86%82-%E4%B8%80%E5%9C%8B%E5%85%A9%E5%88%B6-%E6%8E%A8%E8%A1%8C%E8%87%B3%E5%8F%B0%E7%81%A3/

「The next station Mong Kok⋯」，小編今日帶大家黎到旺角，但有無覺得旺角嘅英文名＂Mong Kok＂有d奇怪？明明中文讀音係“旺”，點解英文讀音又唔係
“W” 字開頭？會唔會一開始就已經串錯字？

其實旺角英文名叫“Mong Kok” ，係古時旺角叫“芒角”，此地芒草叢生，而地形就好似一隻牛角伸入海，故稱為芒角咀，而附近嘅村落就叫芒角村啦。

旺角係古時已經係超級“旺”！！

旺角曾經發掘出大量東漢、晉朝和唐朝陶器，即係話早係東漢時期，旺角一帶已經有人居住。今日繁忙嘅彌敦道，以前係原海岸邊，古人就地取材燒貝殼造灰窰。

係1819年芒角村以客家村民為主，大約有200名居民。芒角村即係今日嘅弼街、通菜街、西洋菜街、花園街一帶附近，當時村民以種菜（以西洋菜及通菜為主）、種花、養豬和養雞維生。

係1860年起，芒角隨著九龍半島割讓比英國，村民紛紛將所種嘅花、蔬菜同所養的禽畜運往香港島出售。當時佢地多數乘坐蜑民嘅船隻渡海，蜑民呼「芒」為「望」，所以英國人依照蜑民嘅口音，將芒角叫作“Mong Kok”啦。

係1909年，香港政府開始係旺角海邊附近填海同興建避風塘，並開始出現碼頭同道路。而當時嘅積水菜田因為滋生蚊蟲而被填平，所以當地就開始發展出洗衣及染布等輕工業。

係1930年，芒角正式改稱為旺角，取其興旺之意。不過旺角的嘅英文譯名 Mong Kok 就無改變，至今仍有水上人口語上叫旺角為望角。當時嘅旺角係個工業區，製煙廠、棉織廠同五金廠林立。

係1932年，因為地租平，所以八珍甜醋係旺角開鋪，隨著地點慢慢繁榮，係1950年起，旺角亦逐漸轉型為商住區啦。

by 三色貓

點解要將一個可以裝四萬人嘅球場縮到只剩八千人？

係因為無人再入場睇波？啲波唔好睇？啲飛太貴？個場太遠？小踎話你知，通通都唔係，俾兩張相你睇下，你就會明曬！

不分種族、不分語言、杯上杯落、可愛、熱情、奔放、自由，共冶一爐，每年嘅四月，係呢度，你會知咩叫做齊心，咩叫做共融，咩叫做大同。但係偏偏有一班國族情緒膨漲，民族情緒高漲得黎又個個都係玻璃心嘅「人的傳龍」睇唔過眼。係境外搶唔到吋分尺土，都誓要係呢個一萬平方米嘅地方力保領土完整咁話。

話已至此，小踎只能够咁樣講：打波呢樣嘢，你識條鐵咩！

by 小編阿踎

長者申領綜援提升至65歲惹來社會爭議，各黨派表反對，特首林鄭則指對議員的反應感到驚訝，又指議員在預算案中投下贊成票。

其實成班官員及議員都係不知所謂，成日顧住做政治秀，搶政治本錢，到底對民生議題及實際需要有幾掌握？香港社會發展所產生的必然性有多了解? 正所謂有得必有失，社會資源是有限，社會發展需求可以係無限，資源運用策略及導向才是他們應反覆思考，也是香港市民投票俾佢地的真正意義。

可笑是一眾官員及議員，如似怕俾人鬧，急急亙相指責、推卸，好似一直站在民眾一邊，就算有錯都係被「老屈」。選出這些咁低層次，咁無Guts的政客，連行出黎承認的膽量與胸襟都無，抵香港人自己承受惡果。

by 小草泥馬

https://www.hk01.com/%E6%94%BF%E6%83%85/281233/%E6%9E%97%E9%84%AD%E9%95%B7%E8%80%85%E7%B6%9C%E6%8F%B4%E8%A8%80%E8%AB%96%E8%BE%A3%E3%B7%AB%E7%9B%9F%E5%8F%8B-%E5%BB%BA%E5%88%B6%E6%B4%BE%E7%BE%A4%E6%83%85%E6%B4%B6%E6%B9%A7-%E6%9C%83%E5%B0%8D%E9%A0%90%E7%AE%97%E6%A1%88%E9%A9%97%E5%B1%8D%E5%92%81%E9%A9%97

香港嘅街道有好多都係以歷史背景為名，大家又知唔知呢？就好似以下呢啲街咁⋯

「界限街」Boundary Street

「點解叫界限街？」，係1860至1897年係香港殖民地嘅一條筆直分界線，西起深水埗南端，東至九龍城，分界線嘅兩面有時會有軍隊巡邏。理論上兩面嘅居民係唔能夠自由跨越，但事實上界上有三個點，係兩面居民可以來往通過的地點。

呢三點分別係深水埗／大角咀嘅「三陋巷」、中央嘅大坑東道花墟，同埋九龍城。以前華界嘅蔬菜、花卉同其他農產品，每日朝早由農民擔過去邊界，到依家旺角大球場擺賣。中午收工返就會返華界，呢個就係「花墟」嘅由來啦。

「界限街」呢條街紀錄咗香港邊界嘅歷史，而香港嘅版圖係分三個階段發展，第一：係1841年只限於香港島，第二：係1861年伸展到九龍半島，第三：係1898年先擴展到新界同離島。

係1861年，中英雙方係劃定九龍半島版圖時，界線係從昂船洲北端起，劃一直線到九龍灣，界線以南嘅劃入英國管治範圍，並由英軍駐守。英軍為咗方便調防軍隊，就建築咗第一條馬路直達到尖沙咀嘅軍營，當時呢條馬路叫「羅便臣道」，之後改名為「彌敦道」。

到咗1911年後，九龍半島不斷向北發展，係1861年所劃嘅界線上先規劃呢條街道，由於係之前嘅邊界，所以就命為「界限街」啦。

by 三色貓

近幾日的熱門話題「國歌法」，一衆親中親政府人士紛紛跳出黎撐場，政治上無可厚非。但太多 跳樑小丑現身，卻又係一場公關災難。 好似經民聯立法會議員林健鋒在接受訪問時公開以反對國歌法等同心中有鬼作結論，其實只能顯示他並不清楚目前矛盾所在， 歸根究底係中港信任問題。無人會無事生非燒國旗辱國歌，那怕是反對人士做秀也只是極少數情況， 影響亦都係轉眼即逝。 根本唔可能影響大國尊嚴，要是這種胸懷都不足又怎能以強國自居，又怎能在國際大舞台站稳陣腳。一衆親中人士不單沒提醒強國應有的風度，港人應享的自由，反已趨炎附勢不負責任地隨口附和。以這等人的扶政水平及胸懷，香港慘強國憂。

by 小草泥馬

http://news.wenweipo.com/2019/01/09/IN1901090063.htm