學嘢啦喂
唔識聽、唔識寫、唔識睇、唔識講，唔緊要，你唔好話自己係香港人就得啦。
識聽、識寫、識睇、識講，唔該你，你唔好再講連你自己都聽唔明嘅鬼國話。
學嘢啦喂：
輘輷 (警轟)
山旯旮 (山卡啦)
咿唈 (依泣)
俹簁 (哪西)
娿哿 (屙個)
㪐㩿 (luck cut)
僆仔 (𡃁仔)
陰騭 (陰質)
齮齕 (gee gut)
捩咁棄 (呢咁hea)
虢礫緙嘞 (Kick溺卡嘞)
心悒 (心噏)
佗佻 (他條)
擏錫 (鏡錫)
掗拃 (啞咋)
戽被 (傅被)
䒐䒏 (忟陣)
岩巉 (岩蠶)
棖雞 (charn雞)
譖氣 (chum氣)
遴迍 (論盡)
虓䰧 (丫烏)
觰拏 (揸拿)
澩嫪 (nau gau)
藞苴 (那jarr)
贔屭 (閉翳)
謦欬 (傾偈)
㜺鬼 (盞鬼)
狼戾 (Long Lai)
葳蕤 (威水)
躝屍趌路
跌倒揦秅沙
大石砸死蟹
手揗腳震
大步𨂾過
小篇阿踎
（圖：1930年的九龍醫院）
唔講個唔知…日軍佔領香港時期…提供醫療服務係穩定民心係唔可以缺少嘅措施….所以…日軍當時一定要着手搞好醫療服務…有幾間醫院係由日軍黎接管…
就好似…香港市民醫院門診部、香港市民醫院第一醫院、香港市民醫院第二醫院、香港產院、香港精神醫院、香港癩醫院、香港傳染病醫院、九龍傳染病醫院等等…
仲有博愛會醫院就係專為日本人提供服務嘅醫療黎..係佔領時期…日本人作為佔領國嘅國民..全部都可以享用呢啲特別嘅待遇…真係誇張..
仲有一啲救濟貧民為目的嘅慈善機構經營嘅醫院…就好似「東華三院」經營嘅醫療服務…主要依靠捐款同房地產收入經營…當時因為有好多香港人受傷..導致醫療需求量激增…為咗治療呢啲傷者..「東華三院」甚至被迫充當獨立病房樓..
除此之外..日軍仲接管咗「瑪麗醫院」同「九龍醫院」…相信好多香港人都識呢幾間醫院同慈善機構…都就無諗過佢地背後嘅故事…
By三色貓
香港在二戰時期的日子·「教育問題」《第二篇》
小編今日會講下係日本統治下..香港嘅教育方面係點…當時日本進行咗「奴化教育」…
「奴化教育」係咩呢？其實就係用日文為主要課程…規定中小學生必須學日文同日本文化..就好似依家中共迫香港學生要學普通話咁…當時有好多學生因為反日..日文成績當然唔ok啦～
結果…有好多學生被政治迫害…部份更被當眾打死…！！大家估下遲啲香港會唔會都係咁？！？就好似依家咁..如果唔比講廣東話..只可以講普通話..大家又會覺得點呢？
日本係統治香港期間推行「日化政策」…就好似將日文定為官方語言…用日文名命香港嘅建築物同街道…甚至將西方嘅教堂改為日本嘅日本寺廟…
By三色貓
香港在二戰時期的日子·「糧食的分配」《第一篇》
小編又想同大家講下二戰時期..當時香港人嘅艱苦日子…究竟嗰時佢哋係點過嘅呢～～？日軍係1941年12月8日進入香港…18日後…即係12月25日…香港正式落入日本所統治…之後香港維持咗三年零八個月嘅艱苦日子…一直持續到1945年嘅夏季先結束…
係日本軍政下..英籍市民..香港政府人員..英國商人…全部都被扣留同埋受到超級嚴格嘅監管。前者就通通都關入敵國人嘅收容所..每一日都過住艱苦嘅生活；而後者就係香港嘅酒店受到嚴格嘅監視..其中有一啲人就要為日本提供協助..作為獲釋嘅條件….
係日本軍政統治下…一般市民受到唔公平嘅待遇..就好似糧食分配不均..住屋..交通..教育..娛樂都完全唔公平…
就好似糧食咁…當時實行配給嘅制度…每人每日可以分到六兩四米…至於油、麵粉、鹽、糖亦同樣需要配給..當時購買糧食仲需要一張指定嘅咭先可以換糧食…仲有糧食嘅價格亦不斷咁上升…根本唔係人人都可以負擔得到…所以當時有好多人餓死….
By三色貓
送犯
離開嘅係為咗走更遠嘅路， 咁難道留低嘅就係為咗吸多啖廢氣？
米以為呢一句係肺腑之言，查實係絕大部份香港人嘅心聲。今時今日嘅香港，政治立亂，百物騰貴，拜金拜權，人性冷漠，就連吸啖空氣，都已經攞左你半條命。香港，仲有咩值得你留戀？
根據最新環團調查報告同總結，鵝府所定嘅環評指標完全不附合世衛嘅標準，導至過去五年，因為環境、空氣問題所造成嘅死亡人數比世衛預計嘅多二千人，醫療開資多左八千萬。但係你班鵝特部隊日日匿埋係冷氣房，揸汽油車，話香港個標準仍然好岩標準，可以繼續大啖大啖咁吸喎，真係完全無理過你嘅死活。香港嘅世界空氣評級屬中上遊位置，看齊左第三世界國家，恭喜恭喜！恭喜你地班鵝頭鵝頸鵝手鵝腳羞出國際，贏得「氣候逃犯」嘅美譽。
小踎忠告，逃犯不論逃到邊，都係遺臭萬年嘅逃犯，總有一日會被「送中」的。
小篇阿踎
大家估下呢幅圖係邊？小編都睇咗勁耐…係咪灣仔？um…估計係堅尼地道…一排長長啲大屋應該係「英軍醫院」定「域多利兵房」？…係咪修頓嗰邊啲半山地方呢呢呢～？
呢幅圖就係中環街市旁邊..即係依家嘅「三聯書店」…以前啲人嘅梯棚係唔可以跨越人地嘅舖面..如果真係咁岩係樓上舉行儀式嘅話..就會好像幅圖嗰條天梯咁向上拉直…大家諗下當時啲人係點樣上上落落嘅呢？因為小編見到都腳軟喔..亦都好難想像係香港有啲咗出奇嘅天梯～
呢幅圖嘅左邊係「海軍船塢」.. 中間嘅建築物應該係「域多利兵房」…即係依家嘅花園道嗰邊～
呢幅圖大家可以睇到..香港戰前嘅唐樓係超級大..所以如果家中有人過咗身..好多白事嘅儀式都會係屋企度進行..棺木係會由椅樓出入..嘩..諗起都覺得恐怖喔～
By三色貓
古有黑道名句：『做得古惑仔，就預左一隻腳踏入監房，一隻腳踏去見閻王。』
今有白道名句：『做得香港人，就預左一隻腳踏入公院，一隻腳伸入去棺材。』
點解咁憾呵？俾啲數字你睇下就知喇：
每一千個病人有幾多名醫生照顧
【香港】1.9
【日本】2.3
【南韓】2.5
【新加坡】2.7
【美國】3.3
【英國】3.7
【澳洲】4.0
【北歐國家】超過6.0
呢種大落後嘅情況造成咩結果呢？公醫公院排隊排到出馬路，私院私醫收費水漲船高，普羅大眾病左都只能夠死捱爛捱，捱到開倒棺材香個日都仲係咳到阿媽都唔認得！BTW, 小踎近排十個屋企人有8個咳左成個月都未好返！
最令人擔憂嘅係醫者質素嘅問題，成日都聽倒有人做完手術後有啲醫療用品留左係病人體內，又聽過有人被無名指當錯中指做開刀手術。呢啲嘅低級錯誤，除左關人手不足之外，為交差完成任務嘅心態都可見一班。如此這般的醫療水平，點會唔憾呵呢！
小篇阿踎
「太白樓」係1915年開業…仲要係依山而建..所以成個遊樂場九曲十三灣咁樣樣呀…裏面嘅設施有唱戲臺、舞臺、音樂亭、唱粵曲、玩雜耍、中西式餐廳..仲有仲有…旋轉木馬、風槍射擊場、滑梯同摩天輪tim….
最勁就係開鑿埋人工湖…可以比人一邊撐船..一邊欣賞維港景色…又真係幾正嘅～
可惜…係西環行上去「太白樓」要行勁多級石級…加上人事變動嘅問題…最後「太白樓」係1924年結業…變成咗依家西環嘅「太白臺」～
「太白樓」係30年代改建為平民住宅區..仲改名為「太白臺」..由於佢係位於斜路..好難去起高樓大廈..所以依家都仲係保留60-70年代嘅簡樸～
點解叫做「太白樓」呢？其實就真係好簡單…唔係因為佢白雪雪的外牆..而係因為老闆李寶龍嘅爸爸李陞嘅偶像係詩人「李白」…「太白樓」嘅位置..其實就係依家西環嘅「太白臺」啦～
By三色貓
「利希慎」原名叫做利應..係當時港澳嘅「鴉片大王」～利希慎係銅鑼灣有很多地皮…而其中一個就係1923年用咗380萬大洋從怡和洋行手上購入嘅東角山…
東角山本來係打算用黎建造鴉片提煉廠…企當時禁煙得好勁…政府唔希望香港再發展鴉片..所以利希慎就將東角山改變用途…就係興建遊樂場..名為「利園」…
「利園」遊樂場嘅設施都是假山假水、攤位遊戲、動物園同一大堆表演….比其他遊樂場就真係無咩特別lu…不過「利園」嘅地理位置方便..聽講入場費比起佢地遊樂場平…所以都有好多人去玩～
「利園」其實又點得一個遊樂場咁鬼簡單呢…係大約1920-30年代…「利園」仲係一個達官貴人開會同開Party嘅地方..勁呢～～不過戰後..「利園」山要夷平成為地產項目之一…
By三色貓
係1918年「名園」已經開業…不過位置就係當時好遠嘅北角..正門就是正正係「英皇道」..雖然「名園」都係建係山丘上….但都算有電車去到門口…所以人流都算ok~
「名園」作為一個當時係香港較為專業嘅遊樂場..當然有韆鞦、旋轉木馬、兒童遊樂場、百鳥巢、動物園（好似有黑熊、老虎同梅花鹿）….
「名園」仲有單車場、滾軸流冰場、桌球、足球、羽毛球、排球場…完全係一個體育中心咁….同埋「名園」近海…所以仲有一個泳棚…每年嘅端午節都有龍舟比賽…聽講當時嘅港督都要比面出席…「名園」就好似慶祝喜慶節目嘅中心～～
可惜..好景不常…生意愈黎愈難做…所以「名園」係1929年將遊樂場租咗比聯華影業公司拍攝粵語片～～
「名園」係戰後成為咗明園住宅區..我們只能夠透過北角嘅明園西街同明園大廈嘅地名去回顧呢一段歷史～～
By三色貓
Justice News 公正新聞 