今天我 寒夜裡看雪飄過，懷著冷卻了的心窩漂遠方
風雨裏追趕，霧裡分不清影蹤，天空海闊你與我
可會變（誰沒在變）
多少次 迎著冷眼與嘲笑，從沒有放棄過心中的理想
一剎那恍惚，若有所失的感覺，不知不覺已變淡
心裡愛（誰明白我）
原諒我這一生不羈放縱愛自由，也會怕有一天會跌倒
背棄了理想 誰人都可以，那會怕有一天只你共我
今天我 寒夜裡看雪飄過，懷著冷卻了的心窩漂遠方
風雨裏追趕，霧裡分不清影蹤，天空海闊你與我
可會變（誰沒在變）
原諒我這一生不羈放縱愛自由，也會怕有一天會跌倒
背棄了理想 誰人都可以，那會怕有一天只你共我
仍然自由自我，永遠高唱我歌，走遍千里
原諒我這一生不羈放縱愛自由，也會怕有一天會跌倒
背棄了理想 誰人都可以，那會怕有一天只你共我
背棄了理想 誰人都可以，那會怕有一天只你共我
背棄了理想 誰人都可以，那會怕有一天只你共我
背棄了理想 誰人都可以，那會怕有一天只你共我
『今天只想唱歌，在同一天空下，一齊唱，一齊聽，一齊見證香港史最黑嘅一天吧！』
『仍然自由自我，永遠高唱我歌，走遍千里！』
小篇阿踎
「樟園」本來係商人林景洲嘅私人花園…因為佢係依山而建嘅別墅..𥚃面有園林同種咗好多盆栽…但好早期嘅香港蚊患超級嚴重…所以就係花園度大量咁種樟樹黎驅蚊…而「樟園」就係咁樣得黎啦～～
林景洲本身為人好好客..成日都一班朋友仔開party…結果吸引咗好多人黎吟詩作對…猜迷..下棋…飲酒…後來更有不請自來嘅客人…正所謂：「獨樂樂..不如眾樂樂」咁話..所以就索性將「樟園」開放比市民…慢慢就成為咗要收費嘅遊樂場啦～～
呢個「樟園」遊樂場只係得石凳..石枱同埋有小食亭售賣酒水…花生..餅食同瓜子等等…而且園內有一個中國文化研究學社…叫做「潛社」..不過係1918年嘅跑馬地馬場發生大火…而呢次大火令到600幾人死亡..所以…令到跑馬地一帶成為鬼城…
「愉園」同「樟園」嘅生意大受影響…最後係1922年關閉…而「愉園」就成為香江療養院即依家嘅養和醫院啦～～
By三色貓
放完一個悠長假期，小編又繼續為大家送上懷舊·「香港」系列之二次世界大戰前嘅遊樂場，俗稱「四園一樓」～～分別就係「愉園」、「樟園」、「名園」、「利園」同「太白樓」，大家係咪覺得好陌生呢？
其實佢地係香港1900年～1930年代，最著名嘅5個遊樂場，而今日小編介紹咗係香港第一個遊樂場1903「愉園」先，佢係1903年開始開業～
「愉園」係由西式嘅大宅建築…到中式嘅亭臺樓閣..人工做嘅花園、盆景、假山小橋等等…跟本就好似古裝劇拍攝嘅埸地咁..完全唔似一個遊樂埸..不過遊樂場嘅餐廳有賣奶茶咖啡、粥粉面飯…
「愉園」係1918年嘅廣告裏面..宣傳話有煙花表演..而每逢假日嘅「愉園」就會變到人山人海..最最最利害嘅係電車公司特登開辦鵝頸橋來回愉園嘅路線…更增設「愉園站」，利害利害～
仲有仲有，係1919年嘅廣告裹面..亦都有介紹各種嘅遊戲..有摩天輪、攤位遊戲、風槍射擊場等等..而且又係1916年開咗一個叫做「眾生相」嘅動物園…有老虎、金錢豹、鱷魚等等…係當時黎講..可以講係好先進啦～～
By三色貓
香港特色嘅「天台學校」，我相信老一輩一定見證過…係50年代..為咗應付急速膨脹嘅小學人口…徙置大廈出現咗嘅「天台學校」…專係為附近居民提供教育嘅機會…
當時嘅「天台學校」…可以講係樓底矮…無風扇…日曬雨淋…一班有40-50人…超收學生..所以搞到成日都要「走鬼」…課室之間只係用壁報板間開…設施簡陋到唔簡陋…不過當時嘅學生超級比心機…因為當時係香港黎講..「有書讀已經係好開心」…而且師生關係仲好密切tim~~
不過..時代變遷同教育政策不停咁改變…以前嘅學生係咁惡劣嘅環境下上堂…佢地仍然好開心…但依家嘅學生越讀越唔開心…又或者無能嘅政府不停咁改變教育政策…而導致依家嘅學生壓力爆煲..不停自殺…究竟係邊個搞到依家嘅學生咁呢？
大家自己諗下…………..
By三色貓
今時今日..如果大家係街度見到一毫子都未必會去執..咁係五六十年代嘅時候…一毫子可以做到啲咩呢？
一般報紙每一份一毫…
巴士票價兩毫…分段就一毫…
電車同渡輪樓上兩毫…樓下就一毫 …
菠蘿包..果汁同紅豆雪條都是一毫….
小朋友有一毫子零用錢…簡直係開心到爆…
新年收嘅利市大多數都係一毫…
「屈臣氏」汽水係兩毫…
「可口可樂」三毫….
「玉泉」四毫…
雲吞麵..大、中、細分別係三、五、七毫…
元朗絲苗白米…每斤七毫….
讀津貼小學..每月10蚊…
睇醫生連埋藥係10蚊….
租唐樓一間房..70幾蚊一個月..
買無間隔嘅唐樓..8000蚊一層…
但當時人工一個月賺$200-300蚊…
….依家出街食一餐飯都百幾二百蚊….
相差太大啦～～～
By三色貓
深水埗以前啲人叫「清水浦」…意思係海水清澈嘅碼頭..後黎啲人又將佢改名為「深水埔」同「深水埗」…深水埗起咗好多公屋..唔知大家又估唔估到香港最早興建嘅公屋又係邊呢？
其實就係位於深水埗嘅石硤尾邨啦..係1953年12月25日嘅聖誕節…石硤尾嘅寮屋區𥚃面有居民唔小心打翻火水燈..而引起火警..短時間火勢蔓延到石硤尾六村木屋區…呢場大火造成40幾人傷亡..超過5萬人無家可歸…
所以政府首先係興建兩層樓高嘅臨時安置所「包寧平房」…之後大量興建六層至七層高「 H 」型嘅徙置區…前後總共起咗幾座大廈..亦即係香港第一批公屋…
呢一批舊式嘅徙置區係1976年開始改建清拆..重新興建成石硤尾邨..最後保留咗昔日嘅41座..又稱「美荷樓」..「美荷樓」為昔日徙置區嘅生活同文化都留下咗見證..比我地依家呢一代人有更深刻嘅啟發～
By三色貓
根據警務處公佈嘅數據，由2016年至2018年，三年裡面，被警察拘捕嘅警察一共有90人，當中有66人涉嫌干犯罪行性質較嚴重嘅刑事案，牽涉強姦、非禮、傷人及嚴重毆打、刑事恐嚇、盜竊、詐騙等罪行。未止，過去3年，再分別有27名正規警員被廉政公署及海關等其他執法部門拘捕。再未止，最恐怖係當中有87個警察係休班期間被捕，佔過去3年總數約74.4%。
以前成日會聽到差佬咁樣嗌：「前面揸槍個男人企係度，再郁就開槍」
以後好快會聽到差佬咁樣嗌：「前面揸槍個差人企係度，再郁就開槍」
又或者可能會係街度聽到差佬咁樣嗌：「有無人幫手拉前面牽涉強姦、非禮、傷人、嚴重毆打、刑事恐嚇、盜竊、詐騙嘅差人，因為我地已經唔夠人手了」
小踎係度代全港7000000人齊聲回答你：「拿！！！因為我都唔知你係人定係賊，點幫！分分鐘俾你告埋阻賊辦工！」
小踎提醒各路英雄，天下無警嘅時代即將來臨，好自為知了！
小篇阿踎
身為香港人嘅大家..相信都有搭過「叮叮」..咁你地又知唔知道「叮叮」嘅歷史呢？
係1881年..當時香港人口不斷增加同工業嘅發展..市民對於交通工具嘅需求增加…係1901年8月29日..英國決定係香港島興建以電力推動嘅電車—「叮叮」…
係1902年..「香港電車電力有限公司」係英國成立..並且負責係香港建造同經營電車…係1910年…正式名為「香港電車有限公司」..並一直用到依家..係1903年..工程正式開始..初期範圍係由堅尼地城至銅鑼灣..為單向設計..其後先擴建去筲箕灣…
首批電車係總共有26輛架..電車車身係英國製造..然後以組件形式運黎香港..再係本地工場裝嵌…第一代嘅電車全部都係單層式設計..其中10架係頭等電車..其他16架係三等電車..當時嘅車資係頭等一毫子..三等就五仙..係當時黎講已經算係好貴～
其實電車係初期運作嘅時候..係遇到唔少嘅困難..就好似行人不理解電車只能依軌行走..唔可以繞過佢地..又有啲人因為好奇聚集係車站..等車一停站就即刻爬上車行一圈..
另外..苦力發覺將載住大量貨物嘅手推車推上鋼軌..會比係凹凸不平嘅路上運送容易得多..所以他們對電車構成嚴重障礙..當時政府就係1911年立例禁止非法擅用電車路..違者罰款二十元或入獄一個月…
慢慢..電車就係港島北部沿海岸線行走..穿梭港島已經有成百幾年歷史..電可以講係見證咗香港嘅興旺發展～～
By三色貓
「科技」可以帶俾人方便..特別係香港呢個發展城市…一部電話就可以咩都做齊..好似寫筆記、計數、記錄日程、查字典、上網…
就連2歲細路哥都係用緊電話睇YouTube..玩遊戲…畫公仔…咁唔知大家又有無發現香港呢個城市裏面愈黎愈少文具鋪呢？又或者大家幾耐無去過文具舖呢？今日小編就同大家講下懷舊文具鋪..每一件文具都有著不同嘅故事…
「文具」…係小編「我」童年嘅一個重要嘅回憶..記得男同學就會買「機關筆盒」，仲會係學校度show off…而女同學就最鐘意「卡通拉桿書包」..又好鐘意將「香珠」放入鐵筆盒入面..
仲有美勞堂嘅三寶..廣告彩、水彩盒同水彩筆…書法堂同樣都有三寶..毛筆、墨水同墨盒..最好笑就係成日打開墨盒發現唔記得放棉花…然後要同隔離同學仔share黎用..
一件件睇落去好似好簡單嘅文具都可以勾起你同我嘅回憶…小編都知道新一代嘅年青人係唔會明白..因為乜都係電腦化…「文具」漸漸由「必需品」變成「附屬品」…而且係香港已經好難再搵到呢啲懷舊文具舖..新世代嘅大家試問你地要買文具..相信都只會去「無印」同「log-on」呢啲連鎖店度買～～
By三色貓
故事發生係60幾年前嘅香港…話說係1951年嘅某一日…香港嘅街頭..忽然出現一片片密密麻麻嘅毛筆字..呢啲字跡係牆上、係門上、係路標上、係垃圾桶上、係燈柱上、係電箱上、係天穚上..可以講係無處不在…
介紹呢個街頭藝術家比大家識..他叫「曾灶財」…自稱「皇帝」…曾灶財係30多歲時整理祖先遺物..無意中發現咗一本族譜..內容指佢係皇族繼承人..而九龍就係其家族嘅封地..但當時比英國政府管有..所以佢因為咁而變得好嬲..夜以繼日咁係各公共設施以宣示主權..開始咗對香港街道長達5-60年嘅統治..
可惜呢位經典嘅塗鴉藝術家係2007年7月15日病逝…終年86歲..希望大家唔好忘記呢位香港嘅經典人物～
By三色貓
Justice News 公正新聞 