「傳呼機」係香港70年代已經開始出現…因為佢嘅響聲係「嗶嗶」聲..所以又比香港人叫做「BB機」..80年代以後，香港嘅「傳呼機」發展成可以顯示數字同中文機…去到90年代「傳呼機」開始沒落啦….

「傳呼機」係舊時..可以講係打工仔必備嘅工具..嗰時無手提電話..當「傳呼機」發出「嗶嗶」聲，機主一收到就會搵電話「覆台」…然後機面就會顯示一排數字…可能係一個電話號碼…又或者係一堆「密碼」…機主收到幾個數字後，就要搵「密碼紙」黎「解碼」…就好似「604」係「留電話位置」、「622」係「入錶」、「583」係「SOGO」、「649」係「放工未」等等..

小編成日都會懷疑..究竟有無人會曬時間搵嗰本「密碼紙」呢？打電話「覆台」唔咪好曬時間咩？對於「WhatsApp世代」嘅人黎講…相信係好難去理解同感受…

By三色貓

「大牌檔」可以講係食得出香港道地嘅風味，亦都可以體現香港人獨特嘅飲食文化，更加可以係香港社會生活嘅寫照…香港人過去嗰50年..大家都係生活係中下階層，小編相信絕大部分嘅香港人都曾經光顧過呢種街頭經營嘅露天大牌檔…

「大牌檔」嘅飲食文化…都可以講係幾特別..一坐低..就會用少少嘅熱茶..將筷子同碗極速清洗一次..跟住叫伙計黎寫單..舊陣時「大牌檔」係經營早、午、晚市同夜宵..老豆話當時食一個早餐..一碗2毫子嘅「白粥」..一碟5毫子嘅「腸粉」..只需要7毫子就已經能夠享受一個超滿足嘅早餐..因為一碗熱騰騰嘅「白粥」係需要上成幾個鐘先能夠煮好..而「腸粉」又係即叫即拉…呢種味道呢..根本食唔番～

仲有仲有..如果有錢嘅話..老豆會去「大排檔」嘆番一杯奶茶加一件「鮮油多」..咁樣都只係2毫子， 可以講係慢活人生，而當時「大牌檔」都係用炭爐煮奶茶..舊陣時「大排檔」無電…所以唯有用炭爐煮奶茶..爐上面放2個銻茶壺..能夠令到茶溫經常keep住熱。 

不過隨着香港嘅經濟不斷發展..「大排檔」可以講係香港歷史嘅一部分…希望大家唔好忘記呢種道地嘅風味..如果可以嘅話..小編黎緊會試下尋找香港剩餘嘅「大排檔」..好好咁同大家分享一下～

By三色貓

廿四味，你就由細飲到大，連鬼佬都飲唔小，咁你又知唔知【廿四味】英文點寫呀？

【Ya Sei Mei 廿四味】：係耶魯粵語拼音黎架，勁！

A-Z，26個英文字母你就由細聽、睇、寫到大，咁你又知唔知佢地點走出黎呢？

【Latin alphabet 拉丁字母】：係現今世界上最通用嘅字母。拉丁語係二千年前嘅古羅馬帝國開始傳遍整個歐洲，來自於日耳曼語嘅英語就係呢個世代社拉丁語化左，演變出26個字母，之後，係18世紀嘅歐洲殖民運動傳遍世界，到20世紀整個亞洲都被拉丁語化左。

所以偉大而出色嘅語言係有其源遠流長嘅歷史同意義嘅，如果唔係，邊得黎咁多人用同學呢！又邊得黎咁多人將佢譯為我地日常用語呢！有圖有真相：

華人嘅二十四節氣都趕潮流啦，係西方嘅天文學範疇，二十四節氣嘅英文是 “Solar Terms"，每個Terms都對應返，讓生活係世界各地嘅華人都可以享用呢種實而不華嘅拉丁語系。

香港嘅懷舊野食可以講係買少見少…其中一個原因係因為製作嘅功夫多..而且賺嘅錢又少..又或老師已經退咗休而失傳。

不過唔緊要，小編今日想介紹返係70、80年代最受歡迎香港嘅小食「炸蛋球」…「炸蛋球」究竟係乜東東呢？其實就係依家好難搵到好味又懷舊嘅小食「沙翁」啦～～有老一輩嘅麵包師話「沙翁」，原名係叫「炸蛋球」，製法同「沙翁」亦都有少少唔同…

所以..小編今日就搵咗一位老前輩(林師父）問下佢關於香港舊時「炸蛋球」係點整…林師父係好細個嗰時..已經開始學做麵包，一做就做咗成50年咁耐..佢話最傳統嘅「炸蛋球」係須要用高筋麵粉…先焗熟或者用沸水開粉…先可以用黎打蛋…炸嘅時後要用溫油慢火炸熟..並且灑上啲糖粉…製作時間同功夫又長又多，所以係香港都越黎越少地方有「炸蛋球」食～

小編咁難得搵到林師父做訪問，當然順便問埋佢..依家係邊度仲可以食得返兒時「炸蛋球」嘅味道啦～～那那那…小編係絕對無幫任何一間鋪頭做廣告㗎（利申），純粹係小編對懷舊嘅野情有獨鍾only~~

GoGoGo..林師傅介紹咗呢間有成54年歷史嘅百利冰室比小編去試試佢地嘅「沙翁」咁話..小編一去到門口..就已經比櫥窗一堆堆嘅「沙翁」吸引住..即刻心心眼喔～所以小編即刻坐低大叫「一個沙翁同一杯熱奶茶多奶呀唔該」…

小編試食後感覺：

雖然小編唔夠運氣食到熱辣辣嘅「沙翁」，不過..放涼咗食落去完全唔會「硬崩崩」…而且餡芯軟綿綿…好食喔～～～

百利冰室
地址：西灣河筲箕灣道216號地下
營業時間：06：00-18：00 （星期四休息）

By三色貓

香港係1877年就已經引進電話服務，唔知大家對香港電話號碼嘅歷史又會知道幾多呢？其實係戰前至60年代初期，香港電話號碼最初由5位數字開始，當時..打電話仲要經接線生接線先可以同到對方傾電話㗎～

去到60年代中期..香港嘅人口增長..香港電話號碼由5位數字變到6位數字..原因係解決當時電話號碼唔足夠嘅問題…而地區字頭制度就慢慢咁開始實行…即係將香港分為「香港島」、「離島」、「九龍」、「新界」，各區嘅電話號碼都有自己嘅地區字頭：

香港去到70年代，6位數字已開始唔足夠去應付需求..所以電話公司將原來新界嘅地區字頭由「12」改為「0」；然後再比7個數字嘅號碼比新發展區同新申請嘅固定電話..另外就將舊區原來嘅6位數字升至7短數字。

不過去到1989年12月30日開始，地區字頭制度全部被取消，等小編比個例子大家..好似：號碼本來係「123456」…如果我要打去香港島就加個5字「5123456」或者打去九龍就加個3字「3123456」。

隨著人口嘅繼續上升同社會嘅發展，電話號碼又再一次飽和。係1995年…所有普通固定電話號碼，全部都要係最前面加個2字，並由7位數字增加到8位數字啦～～～不過依家每個人都有手提電玩…已經好少人會keep住用固定電話…包括小編嘅屋企都已經無電話好耐（利申）…

By三色貓

小踎可能近排睇得激心嘢多，個肺同個胃頂住頂住，好唔舒服，尤其係食完晏晝個餐就頂得特別辛苦，直頭係辛苦到兩眼一反，兩腳一伸架。所以都係學定兩句第時走路都知點講嘅世界用語穩陣啦。

今日想同大家重溫嘅係經常係立法會見到嘅生態之一，見圖

呢種生態，英文點講呢？

【Fold coma】(飯氣攻心)、【Dozed off】(打瞌睡)、【Drift off】(鈞魚)，都係指用餐後體內血液循環集中在腸胃幫助消化，令腦部缺乏養分導致突然渴睡，甚至感到四肢無力，這種狀態在醫學上正式名稱為「餐後嗜睡症」(Postprandial somnolence)，然而想跟人交代自己「飯氣攻心」，這個學名卻稍為複雜，較為普及的用語，可以Food coma (食物昏迷) 去表達用餐後感到疲倦想睡的生理狀態。而姿態是一直點頭如搗蒜，點頭的動作，而頭一直往下掉，就好似垂釣時把魚竿上下抽動一樣。

小篇阿踎

如果要投票揀出最具代表性嘅港式麵包，小編諗..「菠蘿包」一定係排第一…但如果講經典嘅話呢…「雞尾包」一定係排第一位啦～

「雞尾包」同「菠蘿包」..呢2隻包都係香港人「發明」嘅…背後都有佢地嘅故事…小編今日就同大家講下故仔啦～～

「菠蘿包」係60年代就已經係香港出現，當時嘅人覺得麵包唔夠靚…無咩人買…所以有人就諗到係麵包上面加上酥皮啦..最後就變成「菠蘿包」啦～

咁「雞尾包」又係點出現嘅呢？就係出現係經濟危機嘅時候..大約係50年代嘅香港..當時嘅麵包師傅為咗唔想浪費…就將賣剩嘅麵包搞爛..然後再加入椰絲同糖做成餡料..第2日再重新焗出黎賣，慢慢就變成咗「雞尾包」啦..當時「雞尾包」賣得比較平..可以講係同港人同舟共濟..亦幫助唔少窮人度難關tim~

唔知大家又有無發現..每個港式麵包都有佢自己嘅標記呢？好似「雞尾包」就係橫紋同芝麻..而「菠蘿包」就唔使講啦..身為香港人一定知佢咩樣..「菠蘿包」為香港人揚威海外..而「雞尾包」就可以講係記載咗每個香港人嘅平凡生活。

By三色貓

小編好似無寫過關於香港舊時嘅黃色笑話，所以想同大家開心share…咁大家又知唔知道黃色笑話中嘅「飲糖水」又係咩意思呢？登登登…意思就是指有勁多時鐘酒店嘅「九龍塘」啦～～

香港係30年代就已經出現「小型妓寨」，客人可以搵女女之外…原來都可以以「鐘」計算去租房。當時香港嘅妓寨因為無王管，搞到烏煙瘴氣，所以…政府係1935年就實施禁娼…色情事業就開始「地下化」啦…而且會用歇後語去掩飾…就好似「找導遊小姐」..暗示搵性服務，
「酒簾」指純粹租房，「金鳳池」指可租房，並有女女提供性服務喔～～

去到50-60年代嘅香港，係上海街…灣仔謝菲道同北角就出現好多小型嘅夜總會…同時…周邊亦都出現小型嘅公寓，並且以時鐘形式去出租房間。

「熟客」到咗之後..侍應就會遞上一本女女嘅相薄比客人慢慢簡..仲以1小時計算（實際上只係得45分鐘）出租小姐，高鐘妹價錢大約$50..老一啲嘅就大約$20至$30…「時間一到，清潔姐姐會係門下面嘅隙縫…推一壺暖水入去比客人清洗…同埋傳達『要離開啦』嘅訊息比客人。」

到咗80-90年代，隨住大型嘅日式夜總會落成之後，就好似尖東嘅「中國城」同「大富豪」咁…夜夜笙歌…令到「九龍塘」成為咗高檔幽會嘅勝地。客人係尖東夜總會「飲飽食醉」後…就會帶女女出門，去到九龍塘「飲糖水」啦～～大家明白呢個字點解啦…利申…當時「九龍塘」嘅位置相對隱蔽…別墅兩層高…仲有花園…自自然然會吸引到啲客人…高峰時期嘅「九龍塘」有成30幾間咁多嘅時鐘酒店，房間晚晚客滿…好多時都需要提早訂房tim。

唔知…大家今日又「飲咗糖水」未呢？

By三色貓香港舊時黃色笑話·「飲糖水」

鵝特部隊藉住跟進一年前係【台灣】發生嘅港男殺港女兇案之機，要求修訂《逃犯條例》，將逃犯移交至無同香港簽訂司法互助協議的地區，包括中國內地，引起政商界極大憂慮。【台灣】政界係咁批評鵝特修例嘅建議，會對在港【台灣】人嘅權益同安全構成極大損害，所以【台灣】會積極考慮向香港發出旅遊警示，會講明【台灣】人黎香港旅遊或者投資營商係會面對呢方面嘅風險，責任自付。

小踎將【】內嘅地方框住，因為裡面所述嘅台灣其實只係一個代用詞，如果呢條法例過左，就代表【】裡面可以係任何國家、地方、人物，都可以此例交俾鬼國任其處置。被失踪，被消失，被現身，被自首，被送中等事件將會發揚光大，偉大成就將被譜入國史，而香港則可以被遺臭萬年。

不過咁，繁事兩面睇，大家可以阿Q啲咁去睇呢件事嘅，如果成事，大家將會好快地可以與柱君子銘，台兄老仰、倩妹小怡重聚於鐵窗內，共渡於雪壁中了。正所謂：「塵歸塵，土歸土；獨拎回歸黑獄堡；打生打死要著草；齊送秦城共剪草」

小篇阿踎

【移交逃犯】萬人冒雨反「送中條例」 林鄭拒撤：非為內地度身訂造

大家唔好以為香港一定要依賴入口嘅食物先能夠生存呀…因為香港曾經係自給自足㗎～

可能年青一代嘅大家..聽起黎都以為係講笑…不過..的而且確..香港嘅農業發展曾經都擁有過輝煌嘅時候喔…啲農產品唔單止靚，而且數量多到可以供應去內地tim…可惜香港呢個城市慢慢發展之後，農夫佢地為咗過更加好嘅生活，所以昔日係香港出產嘅農作物都慢慢咁消失咗…又或者大家都會遺忘咗佢地…

所以等小編話返比大家知..香港曾經生產過啲咩農作物啦～～～

1）菠蘿：唔好以為泰國同菲律賓先出產菠蘿呀，其實香港都曾經盛產菠蘿..而「菠蘿輋」、「菠蘿壩」同「菠蘿山」等等嘅地名…其實都係出自於新界同大嶼山種植菠蘿而命名㗎。

2）川龍西洋菜：「川龍」係大帽山，種植西洋菜係需要有好嘅水質，而大帽山嘅水質得天獨厚，種出黎嘅西洋菜係特別甜…其實依家川龍仲有種植西洋菜，如果大家想支持本土嘅產品…就可以親身去川龍買啦。

3）打鼓嶺大頂苦瓜：俗稱「雷公鑿」嘅大頂苦瓜….佢頭大尾尖…表面一粒粒嘅瘤狀突起，就好似封神榜裹面雷震子嘅鑿子…而當時打鼓嶺嘅土壤岩岩好有苦瓜所需要嘅微量元素，所以種出黎係最靚同味道最濃嘅苦瓜。

4）元朗絲苗：老一輩嘅香港人..佢地心目中嘅「米王」…係60年代後期出產最後一批米之後..絕大部份嘅原居民都無再種米啦..元朗嘅絲苗成為絕跡…當時元朗昔日係一大片平原…加上遍地魚塘，土地特別肥沃，所以種出黎絲苗，質素冠絕全港呀…元朗除咗盛產絲苗之外，仲有烏頭、魴鯏同生蠔，可以講係有「八鄉四寶」之稱。

By三色貓