國際特赦組織香港分會岩岩公佈左香港年度人權狀況回顧。報告話香港人權狀況持續下跌，鵝特政府以國家安全為理由全力打壓個人及政治團體、剝奪人權的情況比比皆是。令香港人權狀況嚴重倒退。係表達、結社、集會、遊行自由等方面，都反映香港狀況已達崩壞之境。

小踎輕輕羅列小小事件，黎印證下該組織所描述嘅狀況：

1) 香港眾志係3月及8月，被中國內地當局扣查盤問，鵝府完全無採取行動捍衞他們的權利，亦沒有主動向內地商討點樣防止再有同類事件出現

2) 港大法律學院副教授戴耀廷3月係台灣出席論壇時，就自決權的情況作論述，卻遭香港政府譴責佢走港獨路線，扣播獨帽子

3) 民族黨9月被定性為非法組織，禁止運作並被取褫

4) 金融時報新聞編輯因為訪問被取褫嘅民族黨召集人陳浩天，而被鵝府拒絕入境同拒發簽證

5) 周庭、劉小麗同朱凱廸被剝奪參選權

6) 維權藝術家巴丢草同流亡作家馬建，因人身安全受威脅，政治漫畫展覽及講座被取消

7) 鵝府不分青紅皂白，以普通法檢控佔中九子

8) 又以模糊不清兼極反人權嘅公安條例，檢控參與魚旦革命嘅梁天琦等人參與暴動嘅罪名

9) 黎緊嘅《國歌法》、《引渡條例》、《23條》立法，通通都反人權反到你反白眼。

香港人，預備好兩腳一伸啦！

小篇阿踎

https://hk.news.appledaily.com/local/realtime/article/20190326/59414209

係香港成日都會落雨…咁大家又知唔知天文台係1967年4月設立暴雨同雷暴警告嘅信號呢？當時係無分到任何嘅顏色，因為呢啲信號都只不過係比政府部門內部啲人睇，原因係…提高政府部門對自然災害嘅預防能力….所以當時就無對外發布啦。

咁幾時先演變成依家嘅「黃雨」、「紅雨」同「黑雨」呢？咁你地又知唔知香港以前有「綠雨」同「藍雨」呢？如果唔知唔緊要，等小編話你地知啦～

話說..係1992年5月8號…香港就出現大暴雨，天文台錄得一小時降雨量足足達109.9毫米…市面出現嚴重嘅混亂…呢件事之後「天文台」先建立新一套新嘅暴雨警告系統，仲以顏色黎表示唔同暴雨嘅程度黎提醒市民，當時嘅暴雨警告信號分別有「綠」、「黃」、「紅」同「黑」雨4個級別。

綠色同黃色暴雨警告只係預報，同舊警告一樣….只係會向政府部門同公共服務機構發出，而紅色同黑色暴雨警告則根據香港境內實際錄得嘅雨量而發出向市民公開發布。

「綠雨」嘅謎就解開咗啦，原來以前仲有「藍雨」….「藍雨」就係張學友係1986年推出嘅一首冠軍歌曲…歷史比「綠雨」仲長….唔通大家未聽過 :「冷冷雨～Woowoooooo～沒焦點因找不到妳～」咩？

By明太子

「祥香」茶餐廳係1967年開業至今已經有成50年歷史啦，而小編又特別鍾情於所有懷舊嘅野…所以今日就決定去西環..感受一下「祥香」嘅懷舊香味之外..當然就唔可以錯過佢哋最出名嘅「蛋撻」同「茶走」啦～～～～

自從有咗地鐵開到老城區嘅西環之後…有好多鋪頭都捱唔住貴租…一間間老舊嘅鋪頭執曬粒..懷舊嘅味道已經唔會再有…但係1967年開業至今嘅「祥香茶餐廳」…佢地一杯杯嘅香滑奶茶仍然保留住50年前嘅味道…wow…一定要試啦～

除此之外..呢度嘅蛋撻亦都好出名…試過每日賣成千件咁多..可以講係..又平又正。「祥香」嘅環境大約千幾呎..當小編入到去嘅時候..會發現仍然保留舊時嘅擺設同味道…而且設有樓上雅座..依家嘅茶餐廳都好難再搵到可以上樓坐..真係夠曬懷舊。

小編試食後感覺：

蛋撻嘅口感..食落去就好似布丁咁..唔會太甜..一個字黎形容「正」，而且個酥皮又唔會話太油！至於「茶走」..即係奶茶唔加砂糖改為加煉奶，飲落去..啲奶茶滑到呢…最重要杯奶茶唔苦，好好味喔，大家有時間嘅話..真係值得過去一試。

地點：西環堅尼地城卑路乍街107號
營業時間：06:00~17:30

By三色貓

香港的塑膠購物袋收費至今年已實施了10年，政府進行檢視現時徵費水平並思考怎樣推動社會進一步「走塑」，打算將每個膠袋收5毫加至收1蚊，以配合市民嘅負擔能力咁話。而另一邊廂，環保署最新統計顯示，堆填區每年膠袋棄置量高達近45億個，而且按年急增近一倍。

咁者係話，呢10年，政府總共係市民口袋徵收左最小二百幾億嘅收費，但仍然有450億個膠袋係你我眼前飄揚。究竟發生咩事呢？

究竟係有人吞左個二百億，搞到政府無力做好源頭減塑嘅教育同宣傳？定係真如黃星星局長所言，係時候加價幫補下呢？亦或根本係唔應該顧慮咩市民嘅負擔能力，而只加個1蚊幾毫呢？

小踎睇到嘅係呢個政府根本就無心做環保，如果你真心想搞，你試下無個膠盒膠袋收10蚊，每枝飲筒膠杯收5蚊，你睇下仲有無人會用呀。鵝特部隊，請你不要再假惺惺了，你唔講唔好以為人就唔知邊個國家係全球最大嘅膠袋出口國，米以為唔知香港向呢個國家買入幾多隻膠袋，更唔好以為人唔知政府從中坐享左幾多。所以驅驅個5毫1蚊，唔好以為無人睇倒你做緊嘅係場大龍鳳羅！

小篇阿踎

https://news.mingpao.com/ins/%e5%9c%8b%e9%9a%9b/article/20180605/s00005/1528188125429/%e8%81%af%e5%90%88%e5%9c%8b%e5%a0%b1%e5%91%8a-%e5%85%a8%e7%90%8390%e5%84%84%e5%99%b8%e5%a1%91%e8%86%a0%e5%83%859-%e7%8d%b2%e5%9b%9e%e6%94%b6-%e4%b8%ad%e5%9c%8b%e6%88%90%e5%a1%91%e8%86%a0%e5%8c%85%e8%a3%9d%e5%9e%83%e5%9c%be%e6%9c%80%e5%a4%a7%e5%9c%8b

小編相信有好多人一唔開心就會係咁食甜野…好似..朱古力…糖…雪糕…甜品等等…仲話食甜野就可以減到壓喎..即刻就會變返開心…所以難怪「甜品」嘅英文「dessert」掉轉寫就係「stressed」～

食甜野係心理上係有一定嘅減壓程度，不過係生理上就會導致引發「心臟病」，所以大家為咗健康..都係少吃為妙啦..同埋做「運動」都係一種減壓嘅好方法，大家不妨可以試試～

小編知道有好多嘅事情..我地都會好心痛..好似分手嘅痛…親人離世嘅痛…工作壓力嘅痛..讀書壓力嘅痛…但除咗心理上嘅心痛，生理上嘅心痛..大家又有無留意到呢？根據香港死亡資料嘅統計，「心臟病」係香港人主要嘅殺手，所以「心臟」健康係唔可以忽視呀～

By瀨尿蝦

https://hk.lifestyle.appledaily.com/lifestyle/realtime/article/20190323/59399459

香港人其實有著自己嘅「本土意識」，不如等小編今日講下香港人嘅服飾文化…

係50年代嘅香港，「旗袍」可以講係大眾嘅服飾..當時嘅「旗袍」款式都較為簡潔…腰身比40年代寬鬆…亦都可以睇到好少刺綉嘅裝飾…面料通常都會以棉為主…而有錢人先會用到絲同毛織嘅物，著法就真係有好多種..比較常見嘅都係出面加件背心..長袖冷衫..軍服等等…

係60年代嘅初期…「旗袍」開始好少人著…因為香港嘅工業開始發達，香港人開始跟上潮流…係70年代起..大多數啲香港人人開始鐘意著「迷你裙」、「喇叭褲」、「鬆糕鞋」同「戴蛤蟆鏡」，呢個簡直係本土嘅標誌黎，而當時香港嘅製衣業又發達…加上外國文化同明星嘅影響..年輕女仔就好鐘意著「迷你裙」同「熱褲」，男仔就鐘意著「喇叭褲」加「恤衫」同戴「蛤蟆鏡」，可惜那些年嘅集體回憶都經歷咗一段好好好長時間嘅低潮期啦。

係80年代嘅初期…就開始「本地潮牛」，即係今時今日嘅「牛仔褲」啦～而牛仔褲本身係扣鈕嘅，去到後期慢慢就變咗拉鏈嘅牛仔褲啦…最後「牛仔褲」亦隨着唔同嘅年代..都演變成唔同嘅款式..好似「窄褲管」、「闊褲管」、「破洞嘅牛仔褲」等等～

By三色貓

呢次係乜呢？就係首度躋身全球生活費最昂貴城市嘅第一名啦，幾犀利！世界級嘅調查指出香港能夠位列先班嘅第一位其實仲未計算租金價格，剩係反影物價嘅貴法，已經同新加坡、巴黎並列第一啦。如果計埋租金飆升，樓價破頂，新、巴兩地將落後至連燈尾都睇唔到。

呢個調查係英國專家做嘅，班政治正確嘅紅人實話調得唔客觀唔全面架。好，咁明日大愚嘅造價估計，唔夠半年，比鵝特最初估嘅又貴左千二億，咁又點解釋呢？如果你唔賴落啲成本貴左嘅話，咁你唯一可以解釋嘅就係要預留筆血汗錢俾班庸碌無能嘅狗官同吸血商家佬囉！小踎祝你年年攞第一！

小篇阿踎

https://www.hk01.com/%E4%B8%96%E7%95%8C%E8%AA%AA/307629/%E6%96%B0%E5%8A%A0%E5%9D%A1%E9%80%A3%E7%BA%8C6%E5%B9%B4%E6%88%90%E7%82%BA%E7%94%9F%E6%B4%BB%E8%B2%BB%E6%9C%80%E8%B2%B4%E5%9F%8E%E5%B8%82-%E9%A6%99%E6%B8%AF%E6%8E%92%E7%AC%AC%E5%B9%BE

小編今日同大家講講點樣去分別真同假雞蛋，因為內地又再現假雞蛋啦～～OMG…首先..最最最簡單就係買雞蛋嗰時要搖下去..如果係真雞蛋嘅話..就唔會感覺到裏面係度晃動…而假雞蛋就係搖多幾下..就會覺得裏面係度晃動。

而且我地要觀察雞蛋嘅殼，真雞蛋較粗嘅一面會有一個圓周嘅痕迹，假雞蛋就唔會有嘅…最後就係真雞蛋係會有一陣腥味…假雞蛋就係石灰嘅味啦～

香港就有專家指出…假雞蛋嘅主要成分係「樹脂」、「凝固劑」、「色素」等等嘅化學物質…而蛋黃就係檸檬黃色素加氯化鈣製成…假雞蛋係唔會有任何嘅營養價值…最重要就係..長期食用可能會傷胃…引致記憶力衰退同痴呆等等症狀….好恐怖喔…大家真係要小心啲～

By明太子

https://www.weekendhk.com/911121/dining/%E5%A4%AE%E8%A6%96-%E9%80%A0%E5%81%87-%E9%9B%9E%E8%9B%8B-%E8%89%B2%E7%B4%A0-%E8%9B%8B%E9%BB%83/

今日有位讀者PM小編..問小編知唔知香港最早嘅街道係邊？um…等小編話比大家聽聽啦～

最早嘅街道應該就係上環嘅「水坑口街」啦⋯
好…時間又返到去1841年1月26日，「卑路乍」爵士當時帶艦隊登陸香港，係登陸之前已派人視察過港島，最後就簡咗港島西面一大片突出嘅高地作為登陸點…而且當時又近海又夠平，平地旁邊又有一個大水坑，所以英軍就係呢度紮營…而且又將登陸點命名為「佔領街」…

依家嘅「水坑口街」英文名叫Possession Street，係好早期嘅時候…官方將佢直譯為「波些臣街」…不過後期因為驚香港人反感，所以…就根據街道旁邊嘅大水坑而改名為「水坑口街」，而英文名就維持不變啦～

By三色貓

點解牛肉可以生食，雞肉同豬肉唔得呢？

【牛】

我地食牛扒可以從三成到七成熟選擇自己喜歡的熟度，日本甚至有生牛肉的料理。係因為牛嘅飼料同飼養方式有關，令感染寄生蟲的機率大大降低、帶菌數亦是所有肉類中最低。加上係屠宰時經過衛生處理，表面煎熟便能食用，因此煎牛扒打邊爐時大家就可以選擇自己喜歡的熟度。

【豬】

豬是雜食性的動物，什麼都吃，以往都是用廚餘來餵食豬隻，使得豬肉含有一種寄生蟲「旋毛蟲」（又稱豬肉絛蟲），若人類類吃左生豬肉，寄生蟲便會在人體內繁殖，將人類當成最終宿主，然後隨著淋巴管、靜脈等循環散布到全身或大腦，嚴重會導致死亡。豬肉中含有的寄生蟲必須加熱至超過65℃才能被殺死，所以為了身體健康著想，豬肉一定要煮熟再吃。

【雞】

雞屬禽類，禽類則較容易感染「沙門氏菌」，這種細菌也需要高溫加熱才能消滅，所以雞肉也必須 完全煮熟才能安心食用。而引至腸胃炎的曲狀桿菌亦常在雞的胃腸道中生活，曲狀桿菌是全世界最常造成細菌性腸胃炎的人類致病菌之一。

【人】

所以要知道每種生物帶有的病菌不同，殺菌溫度有所差異，因此無論是新鮮食材的備料或保存，都必須注意不要把不同肉類混在一起，並且將生、熟食分成兩個砧板處理、 碰觸生肉後必須立即洗手，避免造成交叉感染，咁你就叻啦。