英治時代嘅香港，「市政局」係60年代已經係直選，為香港人打開民主選舉嘅序幕，並且係80年代中後期..就實行代議政制民主，加上英國首相又係民意領袖，所以英國治港時期..仍然受到英國本地人嘅監察，香港主權移交後中華人民共和國「一黨專政」、「蠻不講理」嘅政治現實係唔可以同日而語。
事實上，香港人在97之前，的而且確係比97後快樂得多⋯97之前只要勤勞一生，最起碼可以頂天立地…養妻活兒…供書教學…生活無憂…能夠創造財富…供養子女去外國讀書嘅更加多不勝數⋯至於係97後，香港人只能夠苦苦咁過活，不幸嘅話..隨時仲要咩都無曬之外…仲要承受每日150個強國人黎香港..環境擠迫..污煙漳氣～～
「香港人」…如果你地仲係懷念住97之前嘅英治香港…請大家唔好怕羞…因為其實仲有好多好多香港人都有同樣嘅諗法⋯有機會嘅話…希望大家都能夠企出黎為「香港」出聲！
By瀨尿蝦
好一隻非法入境狗，引起社會關注，3萬人聯署，兩地熱心人士通力協助尋主，激發出家人慷慨就義。一幕一幕美好的畫面正在上演，萬眾期待沉睡良久的眼廉能有一絲光線，把生氣透進之際。一則報道：「它，已在24小時內被人道毀滅了。」
人道，你還是繼續昏睡吧！
一隻相信在泰國迷途，誤上來港貨船的家犬(有狗頸圈)，被送交漁護署接手代為看管，熱愛生命的同路人在港泰兩地展開陸海空式的尋主行動。數天過後，傳出尋獲狗主及托管安排消息之際。一個聲稱愛民如子，急人所急，開明有道的政府及其屬下部門(漁護署)，粒聲唔出就將隻狗急急殺左，屍都燒埋。當有問責就搬弄法例，推搪其失職失道嘅決定，最無人道嘅係口口聲聲話佢係來自狂犬病爆發地區，所以必須快刀斬亂麻地將佢急毀滅掉，仲搬曬全港市民上檯，唔想你地受狂犬病威脅所以咁做。
小踎依家頂你！每年成百萬人出入泰國，你唔人道左佢地！就係咁，一個枉稱人道嘅社會將一條生命枉送係毫無人道嘅行為上面了！
小篇阿踎
https://news.rthk.hk/rthk/ch/component/k2/1447853-20190315.htm
其實想知道個城係點，啲人生活得開唔開心，唔一定需要做甚麼大調查大分析大結論嘅。小踎最近兩個親身經歷嘅小故事，等大家評價一下現今嘅香港係一個咩城市，可以令你開心到咩程度。兩個故事都同「垃圾」有關的，希望大家唔好介意：
故事一
話說某天，小踎行在一條泊滿車輛的街道上，一名衣著普通的女士迎面而來，她手上拿著一枝剛飲完的枝裝汽水和一張紙巾。當她步至手前時，見她很隨心地將汽水樽和紙巾放在一輛小汽車的車頂，然後與我擦身而過。此刻，心裡有一句說話不吐不快。
踎：「小姐，你跌左啲嘢喎。」
女士回頭答左句：「垃圾黎架，唔要架。」
踎：「我知係垃圾，不過我係話你跌左公德心呀，點解唔執返呀？」
女士：「……………」佢立即將頭擰返轉，繼續向佢嘅前方行左去。
踎：「公德心喎，你唔要，我要」
故事二
話說同一天，小踎行在一條有個垃圾站嘅街道上，一名衣著光鮮的男士起勢咁將一大袋嘢塞落去個垃圾桶度，塞黎塞去都係有半袋塞唔倒，之後就見佢踢左個垃圾桶兩腳，就迎面向我而來啦。此刻，心裡有一句說話不吐不快。
踎：「先生，你有件事未完成喎。」
男士：「個垃圾桶太細啦。」
踎：「我知細，不過前面三十米度有個大啲嘅，叫垃圾站，點解唔去呀？」
男士：「垃圾站係俾倒垃圾嘅人去嘅，唔係我去架。」
踎：「……………」我立即抽袋垃圾出黎，泊住佢行去個垃圾站，將袋垃圾放入去垃圾車。
踎：「羞耻心喎，你唔要，我要」
兩個小故事之後，我發現一個人生活得開唔開心，同你有無故事裡面個兩個「心」息息相關。如果人嘅質數仍然係缺「心」嘅話，個調查做到幾大型都無用！
小篇阿踎
大家知唔知道…英國係1997年將香港交還比中國之前，曾經計劃將所有嘅香港人遷移到「北愛爾蘭」～～
英國國家檔案館公開係1983年嘅一份題為「香港接駁北愛爾蘭」嘅政府檔案，顯示英國官員曾經討論過一項構思深遠嘅建議，就係將當時550萬香港人搬到北愛爾蘭科爾雷恩(Coleraine)同倫敦德里(Londonderry)之間嘅一個新建嘅城鎮𥚃面。
英國大學有位嘅講師就建議將香港人移至北愛爾蘭，一黎又可以振興嗰度嘅經濟，二黎又可以拯救香港人，最重要係佢深信香港係「無將來」….
如果..當時真係咁做..小編依家就係「北愛爾蘭」lu~~
By明太子
https://hk.news.appledaily.com/local/realtime/article/20150703/53927754
新疆維吾爾自治區黨委副書記雪克來提．扎克爾話新疆有「再教育營」，講得好聽啲嘅係話因為反恐而起嘅「職業技能培訓中心」，好好笑…咁樣都講得出..如果真係無「再教育營」，咁點解新疆人大代表團提問環節結束之後，就唔比採訪..仲要記者即刻離開呢？擺明身有屎…
呀習習之前鎮壓啲西藏人，依家又鎮壓埋啲維吾爾人…仲要呃全世界嘅人話「再教育營」係一個技能中心！！！
之前報導過有好多係「再教育營」出黎嘅人民，根本無一個人願意講佢地嘅經歷…如果真係好似雪克來提．扎克爾話係技能中心，咁點解唔願意講呢？咁人民身上嘅傷痕又係點黎？
咁又點解釋佢地食飯之前一定要唱歌..歌頌中國…歌頌共產黨…歌頌習近平呢？
原因好簡單…中國政府嘅講法係赤裸裸嘅謊言….
By明太子
的確算係好消息嘅！
聽日將會有一幅地皮動工起27層高嘅樓，2021年起好之後會有1680個專俾青年人住宿嘅單位，只准收市值嘅60%租金，一人單位有15平方米大，二人單位有20平方米，仲有3人單位添。
大家可能會問，香港地起樓租俾人住，平小小租金者，有咩咁值為好消息呢？小踎想指出嘅好位的確並非政府肯攞錢出黎起樓俾青年人，亦非青年人兩年後有平樓住，講真都係劏房咁嘅size者，無乜值得慶幸。唯獨是一樣嘢，小踎想俾返一下掌聲個位李姓嘅地產霸權阿頭。呢下掌聲俾得落嘅原因，係佢真有履行承諾，將佢真金白銀買返黎嘅地送返俾年青人。背後嘅動機或者其它有啲咩嘅交換條件，不在今次嘅評談範圍。
所以今次嘅論調所指，就係你班地產霸權吸血大鱷肯向良心嘅深處有返一點兒回應，呢個社會就會小返一點兒嘅戾氣，多返一點兒善意同微笑啦。希望每一位係香港有份屯地嘅人都考慮一下啦！
小篇阿踎
元朗青年宿舍明日動工 料2021年供1680宿位
http://hk.on.cc/hk/bkn/cnt/news/20190311/bkn-20190311173158845-0311_00822_001.html
喂喂喂，有好大隻蛤乸隨街跳呀喂！ 各位煙友、唱友、彈友、檔友，細細聲講個大消息你聽呀，政府大烏龍呀，過去5年黎無跟足法例要求而胡亂執法，係450個康民署同控煙辦根本無權執法嘅地方檢控我地呢班無辜嘅市民。所以政府為表歉意，除左立即檢討修正漏洞之外，仲表示會主動在此期間『停止』係個450個場地執行〈公眾衛生及市政條例〉法例！即係話，各位食開街煙、唱開街歌、彈開街樂、擺開街檔嘅老友記，可以趁政府無意中悉出善意嘅時候，可以係呢450個，俾公權力長期霸佔嘅公共空間盡情享用返下，齊齊出去攞返自己應得嘅。照鵝特話齋，香港人，呢個係千載難逢嘅機會呀，要好好把握機遇，如果唔係，蘇州過後無艇搭呀！
阿踎溫提大家一下，政府今次嘅惠民行動除左立時專及七百萬人外，仲對過去5年被無辜檢搞嘅你提供左一次「翻案」嘅機會。呢個先至係百年一遇嘅好戲呀。正所謂好戲在後頭，各位老友記，買定花生，擔定凳仔，睇好戲啦！
小篇阿踎
康文署做漏招 450場地急叫停執法涉控煙等4法例
http://hk.on.cc/hk/bkn/cnt/news/20190311/bkn-20190311121956598-0311_00822_001.html
小編今日同大家介紹一下廣東話嘅「歇後語」，因為小編覺得身為一個香港人，點都係要識啲嘅～
咁歇後語其實有分好多種嘅…就好似玩食字啦…玩諧音等等…如果要明白當中嘅意思係咩，當然係要熟悉香港嘅本地文化先識啦，大家一齊黎睇下啦～～
1. 阿茂整餅：無嗰樣整嗰樣
2. 豉油撈飯：整色整水
3. 墳場發電機：電死人
4. 海底石斑：好瘀（魚）
5.十月芥菜：起心
6.笑騎騎：放毒蛇
7.單眼佬睇老婆：一眼睇哂
8.有早知：無乞衣
9. 神檯貓屎：神憎鬼厭
10. 神仙放屁：非同凡響
11.牛皮燈籠：點極都唔明
12. 泥菩薩過河：自身難保
13. 蒸生瓜：神神地
14. 菠蘿雞：靠癡
15.非洲和尚：乞人憎（黑人憎）
16. 風吹雞蛋殼：財散人安落
17.肥婆坐屎塔：TUP TUP撼
18.陸文庭睇相：唔衰攞嚟衰
19.陳年中草藥：發爛渣
20.老太婆食粥：無恥下流
21.火燒豬頭：熟口熟面
22.鹹蛋滾湯：心都實曬
23.棺材鋪拜神：想人死
24.生蟲拐杖：靠唔住
25.蒙古王打仔：大汗疊細汗
唔知大家又識幾多呢？廣東話嘅歷史源遠流長，蘊含住數千年嘅中華文化同近代前人嘅生活智慧，呢啲咁有興趣嘅字..身為香港人嘅你地…千祈唔好比佢地消失…我地應該耐心咁去發掘，慢慢咁去欣賞同承傳落去…
By明太子
呢三個係咩數字呢？如果今日有留意新聞嘅應該都唔難估到，咁呢五組數字又有咩關聯呢？
「23」條成功立法係鵝特任內及想連任嘅任務及條件。
「416500」係鵝特嘅每月人工，打埋條數成五佰萬一年，連任五年就袋多二仟五佰萬。
「500000」係2003年首次硬推23條引發香港人上反對嘅人數
「7500000」係23條立法之後將會失驚無神俾人拉去坐監嘅港人數目
「3200000000000」係23條立法後會逐漸消失嘅香港儲備
如果咁都仲問點解要將呢五組數目擺埋一齊講？小踎好肯定咁相信呢位人兄絕對係一個愛國但唔愛港嘅中堅份子，係一個會為五斗米折腰嘅傀儡，係一個會睇住你死仲陰陰咀笑嘅惡魔！香港人好自為知了！
小篇阿踎
Justice News 公正新聞 