香港人嘅英籍身份一直都係中英談判期間一個好重要嘅議題，根據英國《解密檔案》，香港行政局非官守議員曾經係1984年2月去信倫敦，指香港人希望可係主權移交之後，繼續保持BDTC身份，亦希望可以保持寫有香港字眼嘅護照（即係BDTC（HK）），希望倫敦嗰邊可以向中國表達香港人嘅意願～

無耐之後，倫敦就指談判小組本來已爭取港人延後英籍納入談判嘅話題，不過..仆街嘅中國當然反對，所以倫敦再提出一個後備嘅方案，就係保留BDTC（HK），跟住改名為British Associated Citizens黎換取中國嘅妥協。

最後仆街嘅中國當然唔接受，仲話1997年7月1號會自動附加中國國籍，倫敦為咗回應仆街嘅中國，以香港人有權同英國保持某程度嘅地位，又指出唔可以剝奪香港人嘅英籍，雙方協議後，中國將不承認呢個新英籍為正式英籍，只視為旅行證件，重伸香港人由始至終都係中國籍，即使呢個人自出世起已因香港關係成為英國屬土嘅公民….

小編希望英國前首相馬卓安係1996年講：「Hong Kong will never have to walk alone」真係能夠可以實踐到啦～

By瀨尿蝦

https://hk.news.appledaily.com/local/realtime/article/20190305/59334640

係大學打工爽唔爽？緊係爽啦，著名牌，座靚車，住高樓，養番狗，Sir 前Sir後好HiHi，計埋人工福利就無交嗌。的確能在大學校園工作係好多人夢寐以求嘅一件事，淨係講人工高呢一樣已經無出其右啦，十萬八萬係最基本嘅，仲有每月幾萬嘅住屋津貼，總之就係使唔曬啦！

但係鏡頭一轉，同係校園打份工，每月只得九千(清潔)同一萬(保安), 仲聲稱已受法例保障佢地嘅收入，咩最底工資跑贏通漲，咩社會保障基本生活條件，咩最低工資令資方出現虧損及倒閉…等等！

『你班坐係冷氣房，印印腳等收錢嘅資本主義敗類，吸盡我地班貧苦大眾嘅血不突止，仲講風涼話。完全唔理每個月租屋用左大半，出門交通用埋個小半，剩返個啲買屎食就啱好夠！仆街政府淨係益啲商家佬，仲叫我地點樣點樣為社會服務，為大灣區努力，為祖國貢獻，等我地唔使再食屎又死唔去先算啦！』

最後一段係小踎節錄自與一名領取最低工資在職家庭爸爸嘅心聲，每一字每一哼都帶住失望和怨氣由佢口中吐出！現在嘅香港地呀，何以令人去到心窮志喪，窮到燶，心穿窿的地步了！

後續：呢位昂藏七尺嘅爸爸，擰住個食到一半嘅飯盒，若有所思後將飯盒合返埋，袋起後便向人群中離去。小踎睇住佢背影，在想像呢位爸爸會如何處理這半盒飯呢！呢半盒飯對他來說重要嗎！這刻的我沉默了！

小篇阿踎

小編係細個嘅時候，除咗鐘意飲綠寶橙汁之外..亦都好鐘意飲街邊車仔檔嘅新鮮椰子汁，凍冰冰嘅椰子汁上面仲有啲碎冰，飲落去有口感之餘咬落去又即溶，細個嗰時能夠飲到一杯新鮮嘅椰子汁，真係已經超級滿足。

昔日懷舊嘅椰子汁味道，究竟喺香港仲搵唔搵得返呢？答案係⋯當然搵得返啦，為於土瓜灣譚公道28號嘅「世紀士多」就能夠搵得返香港懷舊椰汁嘅味道，雖然呢間士多開鋪幾年，但其實佢地喺60年代已經開始經營，岑老闆喺細個時跟佢爸爸係街邊賣新鮮椰汁同蔗汁，直到依家..老闆都仲係用緊50幾年前嘅做法，唔怪得小編可以飲得返細個嗰時嘅味道….

岑老闆講佢地用嘅椰子係100%來自「馬來西亞」同「泰國」，絕對唔係中國大陸啲椰子，仲有起碼要用成3個椰子先打出一壺嘅椰漿，所以出面有好多鋪頭為咗慳錢..就會用罐頭椰漿加花奶..但老闆堅持用打成嘅椰漿加淡奶、椰水、冰粒同埋少少糖落去，所以飲入口時..你會feel到椰子味特別濃郁..但又唔會話係好甜，簡直係正到爆炸！！！

最後小編係足足飲咗成支咁多～～～

#昔日味道
#撐本土
#抵飲

By三色貓

今日係華人二十四節氣中的「驚蟄」，習俗上會去「打小人」，而香港地識打小人嘅已經唔多，數黎數去得剩返鵝頸橋底個廿幾檔「小人婆」了。每次每個打20分鐘，收50蚊，一日打得個十零個就要收檔。但係香港小人何其多，打之不絕，早啲辨識你身邊個係唔係，好過中左伏先黎喊打就遲啦。小踎醒8個Tips俾各位「職場官場情場商場球場」嘅朋友仔旁身：

一，喜歡奉承

經常係你面前熱情嘴又甜，等你暈陀陀失去警惕性！搞到你有啲唔該講同唔該做嘅，當住佢面說了，做了！你當他自己人，他轉身就向上司打小報告！

二，喜歡挑撥離間

當住你的面，說你好，說他（她）的不好；當他（她）的面，說你的不好！佢自己兩面討好，分化同事或者朋友間的感情，製造紛爭和矛盾。而且呢種人口才相當好，就算被發現，都善於撇清責任；事後扮和事佬，上演真實版的《無間道》！

三，喜歡見風使舵

在公司，老闆喜歡誰，就會和誰走得近；老闆不喜歡誰，就天天痛打「落水狗」，邊個得勢就依附邊個，沒有利用價值的人，佢地根本不會亦不願意親近，頂多是敷衍！

四，喜歡做表面工作

老闆在場，揮汗如雨，老闆走了，悠然南山！工作方面，言行不一，這種人特別善於邀功，如果別人的工作出了一點差池，他馬上掏出電話，打給老闆，而且以此為資本！

五，喜歡找替死鬼

如果自己工作中出錯，或者言行有錯，死不承認，會揾人黎孭鑊。呢啲人又係口才十分了得，指鹿為馬，顛倒黑白，厚黑學相當精通，很能誤導大家以訛傳訛。有時「真相」就此被扭屈蒙蔽，就算事後被發現，此事影響力早已過去了！

六，喜歡造謠生事

他們這樣做有啲為升遷，有啲為了利益，有啲為某種不可告人的目的，醜化對手，美化自己！唯恐天下不亂，慣用「聽話」開頭，無中生有！

七，喜歡落井下石

有人工作中出錯，俾老闆批，他們會追上來打多兩拳，捅多一刀。例如，他們會四處傳播那人「罪有應得」，「技術不行」等等，事後孔明，成日講一啲幸災樂禍的風諒話！

八，踩著別人的膀頭上

小編可以講係一個咖啡迷，好鐘意係朝早起身嘅時候沖返杯咖啡飲，就好似喚醒嗰個魂魄仲懶咗係床嘅肉體..利申～除咗朝早飲咖啡之外，都會係lunch後..飯氣攻心時係office又沖返杯飲，因為咖啡有提神嘅作用…最後就愈飲愈多…小編最最最勁嗰時，一日可以飲4杯咖啡，唔飲唔安樂..同事都以為我有病呀..陰功豬！

好，講返正題先…相信大多數嘅香港都會鐘意飲咖啡，而市面上有咁多類型嘅咖啡..唔知大家飲緊嘅咖啡又合唔合格呢？如果唔合格..飲完又會點呢？

之前就有生物科技公司測試咗香港市面上30款嘅即溶咖啡，發現有成10款係唔合格，即溶咖啡嘅毒性比連鎖店咖啡高1.8倍咁多，而即溶咖啡中含有添加劑成分達15種，恐怖恐怖…當中包括反式脂肪嘅植脂末，如果過量攝取係可以增加患心血管疾病、不孕同乳癌等風險。嘩…嚇死人咩…好彩仲有幾款即沖咖啡係過到測試，如果唔係日日去連鎖店買幾杯咖啡黎飲..價錢都唔平～

大家一齊睇睇有邊幾款幾嘅即沖咖啡粉係通過測試啦⋯⋯

By明太子

https://topick.hket.com/article/1857187/%E5%8D%B3%E6%BA%B6%E6%B3%A1%E6%B2%AB%E5%92%96%E5%95%A1%E5%90%AB15%E7%A8%AE%E6%B7%BB%E5%8A%A0%E5%8A%91%E3%80%80%E9%81%8E%E9%87%8F%E6%94%9D%E5%85%A5%E6%88%96%E5%A2%9E%E4%B8%8D%E5%AD%95%E4%B9%B3%E7%99%8C%E9%A2%A8%E9%9A%AA

小編其實都幾鐘意深水埗呢個特色嘅舊區，你想要啲咩..幾乎都可以係呢度搵到..好似長沙灣道有時裝批發啦..專賣二手家電同零件嘅鴨寮街…賣不同珠仔首飾嘅汝州街…北河街街市對出嘅夜冷地攤…賣布同古董嘅基隆街..周圍都係老字號嘅小吃..應有盡有..所以好值得大家去睇睇..感受一下懷舊嘅味道～

好啦，小編今日特別想推介係北河街68號嘅《生隆餅家》，呢間鋪頭都有成40幾年歷史，佢地主要賣唔同類型嘅中式懷舊糕點，日日新鮮製造，重點係每日都堅持用人手製作，就好似有白糖糕、黄糖糕、糯米糍（花生同紅豆味）、砵仔糕、合桃酥、紅豆糕、老婆餅、皮蛋酥、雞仔餅、雞屎滕、馬蹄糕、芝麻糕、蛋糕仔、光酥餅、米通、炸煎堆等等（其實仲有好多..不過小編睇到眼花花..數都數唔曬…利申）

而小編今日就買咗佢地嘅花生糯米糍（$10/4粒）、砵仔糕、馬蹄糕、白糖糕、黃糖糕同芝麻糕（$5/1件）黎試食..Wow..我唔客氣啦～

佢地嘅花生糯米糍簡直煙韌到不得了！糯米糍細細粒粒，花生餡係粗粒花生加入椰絲同糖，餡料比例算係好多，可以講係..一口咬落去之後..啲餡爆曬出黎，由於細細粒粒ge關係..食完都唔覺得好飽。

至於佢地嘅白/黃糖糕..砵仔糕..馬蹄糕同芝麻糕都唔會話好甜，咬落去口感彈牙爽口，好味！簡直係懷舊得黎又唔貴～推薦推薦！

#本土
#懷舊
#低食
#兒時味道

By三色貓

今日一打開新聞，就係呢個頭條【巴士撞貨車2死16傷】

小踎唔係想係呢度發訃聞，更加唔會係度打咀炮講追究，只係想借小小嘅空間黎悼念返呢班同我地一樣，每日胃口奔馳，努力養家活人，卻遇上無情嘅意外而頃刻間失去生命嘅香港人，盼望無一個仍能睇到呢篇文字嘅朋友都時刻珍惜眼前，要把握住頃刻便會溜走的時間，好好活出生命的色彩和意義。

1998年，灣仔杜老誌道天橋城巴翻側，造成5人死亡，57人受傷

2003年，屯門公路汀九段橋底汀九村，造成21人死亡，20人受傷

2008年，西貢南邊圍西貢公路迴旋處，造成19人死亡，43人受傷

2009年，將軍澳寶順路迴旋處，造成2人死亡，34人受傷

2012年，柴灣道長命斜往筲箕灣道，造成3人死亡，57人受傷

2015年，錦上路東匯路交界，造成5人死亡，13人受傷

2017年，長沙灣道欽州街交界，造成3人死亡，30人受傷

2018年，大埔公路大埔滘段，造成19人死亡，65人受傷

2018年，北角長康街英皇道，造成4人死亡，11人受傷

2018年，長青公路青衣西北交匯處，造成6人死亡，31人受傷

2019年，西九龍公路西區海底隧道入口，造成2人死亡，16人受傷

死者已爾，生者痛爾，常者嘆爾，盼望在世每一位有生命有氣息人，都更懂得去珍惜和愛惜生命！

小篇阿踎

香港理工大學嘅「民主牆」事件，係社會引起咁唔少嘅關注，亦都引發咗校方管理同學生之間嘅大戰…理大之前比學生狙擊，指校方擅自攞走「民主牆」嘅字句…「民主牆」就變成咗校園嘅計時大炸彈啦…其實…「民主牆」都只不過係一面牆，本身就係平平無奇嘅…叫「民主牆」就唔代表佢有咩神聖嘅意義…

小編認為「民主牆」都只不過係普普通通..可以比學生發表一下佢地意見嘅「意見牆」。係香港嘅各大學嘅牆都有佢嘅管理原則，即係呢面牆嘅意見係唔代表校方，而呢面牆上面嘅野又無出現違法呀…淫穢呀…非法嘅訊息呀～

咁….真係唔明點解校方可以因為呢樣野而去懲罰學生呢？係校方佢地自己唔岩..出手去攞走「民主牆」嘅字句先…學生問返校方，佢地先係以「民主牆」管理員嘅身份。咁究竟係教方心目中「民主牆」嘅意義又係咩呢？唔通..校方係想收返「民主牆」嘅管理權咩？

By明太子

其實「糯米糍」係香港已經流傳咗一段好長嘅日子，可以講係一種好流行嘅平民甜點黎，最近又比小編遇到呢種好耐都無食過嘅甜點…當然要即刻買黎試下啦～

仲記得係細個嘅時候…成日都會叫媽咪買比我食..呢種傳統嘅糯米糍係無餡嘅..老闆會係一個保溫桶裏面..舀起一大舊嘅糯米糰，然後將佢放入一大盤嘅花生碎、芝麻、糖同椰絲上面碌下碌下..碌到成舊糯米糰痴滿曬所有野..咁就成為超級美味嘅「糯米糍」..跟住就會用把鉸剪將舊糯米糍剪到一細粒，就可以食得啦～ 

今次小編覺得好幸運..食得返細個嗰時嘅味道..最正嘅係「糯米糍」仲係熱辣辣，而且又痴咗勁多花生碎同椰絲…但又唔會話好甜..趁熱食..煙煙靭韌..真係好味到一個點呀，最重要係..依家係香港好難搵得到，仲要係食得返細個嘅味道出黎（利申）～～～

如果大家有興趣試下呢種香港嘅民間甜點，就PM小編啦～開心share~~

#即叫即整
#平民美食
#懷舊
#本土

By三色貓

近日新聞報導一個教唆兒童自殺嗎嘅恐怖遊戲再次在網絡世界出現，係Whatsapp, Youtube嘅兒童影片中會突然出現一個猙獰恐怖嘅卡通頭像，會叫收看者「自殺吧！go kill yourself！」呢個角色同情況令到好多家長都非常擔心，並在各大家長群組瘋傳小心應對。此卡通角色名為『Momo』。

然而，呢個call 人去死嘅卡通角色是否只在兒童界別出現而令人擔驚受怕呢？誠然在現今的香港，呢隻『Momo』已經深入人群當中施虐住每一個香港人。據港大防止自殺研究中心嘅報告講，香港每十萬人就有12個人自殺左！學生近年自殺率大增五成！老人家更加唔使講，家貧病患，無依無靠，整日困在家中等自滅！

究竟，呢隻港版『Momo』係邊個咁鬼無良養佢出黎嘅呢？係邊個令到港人港地亂象叢生呢？盲目跟風發展，對年青人拔苗式助長，空談理念願景，但無法真正落實，夢想理想皆幻滅，唔死就有鬼啦！對年長嘅聲聲居家安老，一單天水圍伯伯獨力照顧年老病妻不逮而狠心殺妻的事件，足見社會政策嘅虛偽，特顯『Momo』嘅真實！

小踎祈望各界有識有權有勢之士，不要再飾演『Momo』呢種人見人憎嘅討厭角色了，讓生於斯長於斯的港人港童不受無謂的恐懼煎熬吧！

小篇阿踎