大家睇咗最新一份嘅「財政預算案」未呢？如果未睇唔緊要…小編依家話比你地聽…睇下有無大家份喔～

「醫療新措施」
·增撥超過7億醫管局經常資助，改善前線醫護福利
·預留100億作為公營醫療撥款穩定基金
·預留50億推動醫管局加快更新或添置醫療設備
· 增撥4億經常資助，供醫管局擴闊藥物名冊

「派糖措施」
·寬減薪俸稅及個人入息稅75%，退稅上限2萬
·向基層學生發放一筆過$2500津貼，支援學習需要
·向2020年中學文憑考試學校考生代繳考試費
·向領取長者醫療券的長者一次性地提供額外1000金額
·寬減利得稅75%，退稅上限2萬
·差餉寬免4季，每戶每季上限為$1500
·寬免2019/20年度商業登記費
·領取綜援、生果金、長者生活津貼及傷殘津貼人士發出「雙糧」

「民生新措施」
·預留160億專款，供教資會資助大學添置必需科研設備
·預留60億，發展新的海濱長廊及休憩空間
·設立2億城市林務發展基金
·提高研究員計劃的每月津貼額，持有學士學位的研究員，每月津貼會由 $16,000 提高至 $18,000 ，而持有碩士學位的研究員的每月津貼，則由$ 19,000 提高至$ 21,000 。並把研究員計劃及博士專才庫的資助期上限，由 2 年延長至 3 年。

「房屋及安老新措施」
·長者醫療券增$1,000，累積上限增至$8,000
·預留20億支持非政府機構，興建過渡性房屋
·撥款200億購置60個物業，設立日間幼兒中心、長者鄰舍中心等社福設施
·無意撤銷樓市「辣招」
·19/20年度賣地計劃共15幅住宅用地，預計可建8,800多個單位

睇完咁多點…唔知大家有無份呢？小編就覺到好似無一點係岩我…無奈～

By明太子

小踎近日看了一些關於女權主義崛起及女權運動發展的書籍，當中有不小發人心省的事情和句點值得同大家分享下。就由一些富有時代意義的經典女權人物及她們的名句開始：

「回頭看已經做錯的事太浪費時間了，那讓我們無法往前走」— 【Hillary Rodham Clinton 】前任美國副總統。

「不付出善意幫助同是女人的，地獄有間VIP室等著妳」— 【Madeleine Albright】前任美國國務卿

「激進份子害怕書及筆，教育的力量使他們恐懼，他們也害怕女性」— 【Malala Yousafzai 】諾貝爾和平獎得主

「我寧願成為叛亂者也不當奴隸」— 【Emmeline Pankhurst】20世紀女權運動先鋒

「永遠不讓恐懼阻止我去做真心喜歡的事」— 【Emma Watson】荷里活女星

「民調是死的，人心是活的」 —【蔡英文】台灣總統

這些名句都在世界舞台上得以流傳，是因為她們都活在擁有普世價值的世界裡。但我們能聽到中國女權的聲音嗎？不，聽到的是不斷打壓的措施，限制公眾討論女性議題，女權活動者在政治話語中毫無地位。女性平權運動這條道路仍然非常漫長，亦很危險，但我們要知道的是這些巾幗英雌仍然堅持為正義和平等而作出不懈努力。

小篇阿踎

小編今日口痕痕，想去試返就黎失傳嘅香港小食「炸魚球」，「炸魚球」其實係80年代好流行嘅街邊小食，大家唔好以為佢好似依家嘅炸魚蛋咁，無論做法同味道都係完全唔一樣㗎～

老闆話「炸魚球」係要用好多種嘅魚肉溝埋麵粉，然後將佢打成粉糰，再搓成細細粒，當有人叫到嘅時候，先會放落滾油度炸，當「魚球」遇熱就會膨脹，但離鑊之後就會收縮….好鬼得意（利申），炸好之後就會用雞皮紙袋袋好，一買就會係10幾粒咁買，食嘅時候記得要加啲甜醬或者辣醬喔，口感超煙韌，好食到不得了～

如果大家都想知呢種懷舊嘅小食係邊度可以試到，就PM小編啦～～

By三色貓

好欣賞最近睇到一篇評世界政壇領袖合體化嘅文章。文章嘅主角係每日都必上國際頭條嘅美國現任總統特朗普，文章描述「特總」及其部隊自上任以來，將世界嘅沉悶政局一朝擊破，將政壇新聞充滿住久違了嘅娛樂性，將原本發緊或打算發戰爭財，國難財，難民財嘅傳統政壇財閥趕走曬，剩返一班肯陪佢一齊癲嘅狂人試圖搞個新秩序出黎。癲到咩程度？睇佢地短短一年裡面，夠膽將成個政府停止運作三次、又為左夠錢起幢牆，要國家進入緊急狀態令，搞到無睇開新聞嘅人以為第三次世界大戰即將開打咁款、搞到啲亞洲嘅所謂巨龍都買左呢班「特總部隊」怕，紛紛乖乖咁去番檯面度傾平等，公正，公開嘅交易。

正因為佢呢個部隊夠狂夠獨特嗎嘅原因，導致佢地越黎越受選民嘅歡迎，而且呢種「白目化」嘅領軍風格正以全球開花之勢軍臨，小踎提一提正在備戰區選嘅朋友仔要留意返。小踎更寄望繼北朝特朗普、菲律賓特朗普、巴西特朗普紛紛出現之後，香港都可以有一位特立獨行嘅領袖同埋佢嘅部隊出現，為死氣沉沉嘅香港政壇與民生帶來一片生機和衝擊。

小篇阿踎

台灣朋友A最近黎咗香港某間公立醫院探病，佢話完完全全比香港嘅醫院嚇親咁話…朋友A睇到病房勁擠逼，啲病床加到醫生同護士行路係要側住個身行，見到佢地忙到根本連少少休息嘅時間都無….仲要黑口黑面咁….但小編覺得又真係好難怪香港嘅醫生護士嘅，係咁嘅氣氛之下，醫護人員都只不過係凡人一個，心煩氣躁亦係人之常情呀～

台灣朋友，你地要明白身為一個香港人「千祈唔好老，唔好病呀！」香港咁缺乏醫生、護士同醫院嘅情況，淋病唔該諗諗辦法啦！

By明太子

又到星期一啦，小編相信大家返工都一定返到好悶…咁不如又等小編同大家繼續講下故啦～～

1: 孤寒——「小氣」、「吝嗇」

小編都識得幾個人係好鬼「孤寒」嘅….咁「孤寒」呢一個詞語可以追溯到魏晉南北朝嘅時期，當時係一個「士族」勢力鼎盛嘅時代，咁咩係叫做「士族」呢？其實就係家族中有人做大官咁解，如果家族無人做大官做經師嘅細家族就會被人叫做「寒門」啦～

「寒門」嘅勢力好弱，一旦有事起上黎就會顯得好孤獨無助，所以都覺得好「孤·寒」～
「孤寒」呢2個字，係對嗰啲寒門小族群嘅概括，而當時出身孤寒小族嘅人，場面自然無大族人見得咁多，出手自然唔似大族人咁大方⋯

所以小編相信一個笑話係「小族孤寒」，一定係由「士族」嘅人開始。慢慢咁…社會都受到佢地嘅影響，將嗰啲唔夠大方嘅人都叫做「孤寒」啦～

2: 炒魷魚——「失業」

「炒魷魚」其實係粵菜中都算係一道好好味嘅菜啦，相信大家都有食過…咁點解會同「失業」有關呢？聽聞係好耐好耐之前啲工人通常都會住係主人屋企或者僱主嘅屋企（就好似依家香港啲賓賓、印印姐姐咁），如果萬一比人開除，就要打包啲野走人..佢地就會卷埋啲被呀、蓆呀咁…然後就會頭耷耷咁離開，而呢啲情景就會比人覺得好似魷魚被炒嘅時候..蜷縮嘅樣咁，所以慢慢啲人將「炒魷魚」就變成「失業」咁解啦～

3: 擒青——「形容人好心急」

係古時候嘅南方舞獅，佢地好鐘意「采青」，咁所謂「青」..意思就係將一封紅色嘅利是綁係一棵生菜上，「青」有「高青」、「水青」同「蟹青」嘅分別。

「高青」就係將「青」吊得好高好高嘅，而「水青」就係將佢放係水盆裡面，最後「蟹青」係用圓盤蓋住。

而「采青」就一定要經過「見青」、「驚青」、「采青」、「碎青」同「吐青」等等，再加埋鼓聲同啲舞步動作，呢啲程序一定係唔可以出錯嘅….如果隨便咁跳幾下舞…就將「青」攞去嘅話，一定會比人笑，所以就會被人嘲笑為「擒青」啦～

好啦..小編講住咁多比你地聽住先..下次有機會再講多啲比你地知～～bye bye ~~

By三色貓

「地難」

深圳灣公路大橋、沙中線、港珠澳大橋、中環灣仔繞道、高鐵香港段，每一個名詞都勾起近代香港人生活在難地中的回憶，最新鮮滾熱辣嘅係港珠澳橋港口岸大樓地陷，憂人工島沉降。樣樣都耗資千百億，位位都話自己係起樓起橋專家，但係件件做出黎就好似蛋散咁，脆搏搏，一掂就碎，試問所有嘅官商巨賈們，你們臉何以遺！

「人難」

有社區組織去年研究本港各區露宿者在24小時快餐店借宿的狀況，發現無家者的人口已達448人，較去年升16.7%。而借宿嘅時間亦由2017年的平均9.5月，升至今年的18.7個月。社署嘅最新全港無家者人數亦由2013年嘅780人增加到今年嘅1270人，創有紀錄以來新高。試問所有達官貴人們，你們情何以堪！

這些苦難的事件，爛透的數字，代表了甚麼？

代表住一個世代的末落，代表住人臉獸性的彰顯，代表住呢處地方已腐敗難堪了！

小篇阿踎

今日小編想講下啲故仔比大家聽，就係平時有好多香港人都會講嘅「字」，咁大家又知唔知你地講嘅「字」，背後其實有佢嘅故事呢…唔知唔緊要，等小編話比你地知…

1:「放飛機」

咩叫做「放飛機」呢？話說係好耐好耐之前嘅香港…就要上演一次嘅飛機show，當時係香港有史以黎第一次有飛機show睇喎～所以搞到全香港嘅人都萬眾期待。

好啦…上演時間到啦…第1日：因為打風飛唔到，市民就失望而歸；第2日：天朗氣清，所有人都以為有嘢睇啦，點知個飛機師病咗，要推到第3日，到咗第3日：到部飛機個引擎懷Q咗整唔到。

跟住就——byebye 你條尾啦！所以依家啲人就會用「放飛機」嚟形容講咗黎但又唔黎嘅人啦。

2: 「老細」——做生意嘅老闆

係日軍佔領香港嘅3年零8個月期間，因為大陸跑去香港逃避戰爭嘅就人越黎越多，日軍規定做生意嘅商鋪，都需要將鋪頭裡面嘅人名寫係一塊牌上，然後掛係鋪頭外面，而鋪頭老闆則加上「世帶主」嘅字樣（世代主係日文裡面係戶主嘅意思）。

每當有日軍巡查，而當時又有漢奸做翻譯，一入鋪頭就問「老世係邊度呀？」，後黎「老世」（老細）便成為咗「老闆」嘅同意詞啦。

3:「混吉」

舊時嘅小型酒店，只要你去幫襯就會免費送一碗清湯比客人，酒店每日所賣嘅雞鴨鵝豬牛肉，都係用呢一鍋水整熟，所以湯入面有肉味，然後落一啲味精，咁就變成一碗清湯啦！

有名比你叫清湯，所以入面乜料都無，即係「空空如也」嘅意思，香港人覺得「空」就等於「吉」，所以碗湯就叫做「吉水」。

當時因為有好多窮人，當佢地入到酒店，一坐低啲伙記就會攞一碗「吉水」出黎，啲窮人一口氣飲完就會靜雞雞咁走咗去，而呢碗清湯係免費嘅，酒店唔可以話佢地唔比錢，所以啲伙記就叫呢種呃人嘅行為做「混吉」啦～

小編講住3個故仔比你地聽住先⋯有興趣想知其他嘅故仔，就要keep住留意我地「公正新聞」啦～～

by 三色貓

好一句「蘇州過後無艇搭」，嚇到小踎立即將加州嘅物業賣左，將星州嘅業務摺左，將濟州嘅機票取消左，就係為左要趕得切搭蘇州呢隻艇。不過，想問下，蘇州好勁架？好多人爭住去架？一定要搭艇先去到架？

香港要鞏固國際金融中心地位，一定要去蘇州嘅咩？不嬲坐開飛機、火車、遊輪嘅為咩走去坐艇。原來有位好怕無艇搭嘅婦人好政治正確咁考慮，從現在到2035年的十多年內特區政府都會把精力優先用在大灣區融合及建設上，以向內望為主，以大灣區6,000萬人的市場為焦點，貢獻國家貢獻黨。甚麼紐約、倫敦，可以面向全世界幾十億人的市場，都可棄之不理。而亞洲的老對手新加坡就仍然面向全球而不是馬來西亞、印尼等鄰國。一進一退下，香港呢世都米使被稱為「紐倫港」了，頂多成為大灣區小紐屁蟲吧！

小踎忠告，所有仍想混餐飯仔吃嘅香港人，請你地睇清楚先好上船，否則上錯賊船，搭左沉船可能就一世架啦！

小篇阿踎

https://news.mingpao.com/ins/%E6%B8%AF%E8%81%9E/article/20190219/s00001/1550546954276/%E3%80%90%E5%A4%A7%E7%81%A3%E5%8D%80%E3%80%91%E5%90%A6%E8%AA%8D%E9%A6%99%E6%B8%AF%E8%A2%AB%E8%A6%8F%E5%8A%83-%E6%9E%97%E9%84%AD-%E4%B8%8D%E6%8A%8A%E6%8F%A1%E6%A9%9F%E9%81%87%E3%80%8C%E8%98%87%E5%B7%9E%E9%81%8E%E5%BE%8C%E7%84%A1%E8%89%87%E6%90%AD%E3%80%8D

大陸嘅「非洲豬瘟」疫情持續嚴重，係上年8月開始..大陸嘅遼寧省瀋陽市爆發「非洲豬瘟」，疫情迅速咁擴散，「非洲豬瘟」係活豬之間傳染性係超級強，發病之後會出現皮下出血發熱症狀，死亡率係100%，即使豬死咗之後，病毒係冷凍豬肉都仲係可以存活3年咁長時間，好恐怖喔～

所以小編要提提大家千祈唔好嫌麻煩，唔好好似新聞呢位強國人咁帶豬肉入境呀！！大家諗下台灣有幾多野食係用豬肉製造，佢地為咗防止「非洲豬瘟」，只要有少少嘅忽視..就會令到成個台灣嘅養豬業全面咁崩潰喔～

小編除咗提醒大家之外，當然就係低呢個強國人死啦…叫佢罰錢又唔比錢，最後台灣當然拒絕佢入境啦，低死低死⋯死返去中國啦⋯bye bye你條尾～

by明太子

http://s.nextmedia.com/realtime/a.php?i=20190220&s=10793096&a=59282683